22 верасня, аўторак

Вы тут

13-гадовы жодзінец выкраў самакат у 11-гадовага


Пра гэты выпадак паведамляе УУС Мінаблвыканкама.


У Жодзіне 11-гадовы хлопчык, катаючыся на сваім самакаце, які яму сёлета за прыкладныя паводзіны за 200 рублёў набылі бацькі, у нейкі момант захацеў папіць. Ён вырашыў збегаць у бліжэйшую краму купіць сабе што-небудзь прахаладжальнага. Самакат пакінуў без нагляду за гандлёвым аб’ектам.

Гэта ўбачыў 13-гадовы падлетак. Калі гаспадар самаката зайшоў у краму, пачаў дзейнічаць рашуча. Пераканаўшыся ў тым, што ўладальнік раптам не выйдзе з будынка, схапіў самакат і ўцёк з усіх ног у бок гарадскога парку. Аднаго не ўлічыў малады зладзюжка: усе яго супрацьпраўныя дзеянні фіксуе відэакамера гарадскога назірання. У праваахоўнікаў, якія прыбылі на месца здарэння ўжо праз некалькі хвілін, былі прыкметы парушальніка, па якіх ён і быў затрыманы.

Паколькі хлопец не дасягнуў узросту прыцягнення да крымінальнай адказнасці, яго паставяць на ўлік у інспекцыю па справах непаўналетніх. З ім будзе праводзіцца комплекс прафілактычных мерапрыемстваў, скіраваных на яго выпраўленне. Таксама будзе праведзена праверка і дадзена прававая ацэнка бацькам непаўналетняга ў частцы выканання апошнімі абавязкаў па выхаванні дзяцей. Не застанецца ў баку аддзел адукацыі і школа, якія таксама шляхам прыцягнення непаўналетняга да правядзення рознага кшталту мерапрыемстваў, гутарак з сацыяльнымі педагогамі і псіхолагамі, будуць прымаць усе магчымыя меры па яго выпраўленні і недапушчэнні здзяйснення супрацьпраўных учынкаў і паводзін.

Сяргей РАСОЛЬКА

Прэв’ю: losangelesinjurycenter.net

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.