01 снежня, аўторак

Вы тут

Больш за 25 тысяч юнакоў і дзяўчат выказалі сёлета жаданне працаваць у студэнцкіх атрадах


Больш за 25 тысяч юнакоў і дзяўчат выказалі сёлета жаданне працаваць у студэнцкіх атрадах падчас трэцяга працоўнага семестра. Пра гэта расказала камандзір Рэспубліканскага штаба студэнцкіх атрадаў Цэнтральнага камітэта БРСМ Надзея ШАХОЎСКАЯ.


— Традыцыйна ўдзельнікамі руху могуць стаць маладыя людзі ва ўзросце ад 14 гадоў да 31 года. Адзін з крытэрыяў залічэння ў студатрад — добрая паспяховасць без акадэмічных запазычанасцяў. Пандэмія сёлета ўнесла некаторыя карэктывы: расійскія атрады не змаглі прыехаць, аднак мы з імі пастаянна праводзім розныя анлайн-канферэнцыі. Студатрад — гэта не толькі працоўная брыгада, якая дае магчымасць зарабіць грошы, але яшчэ і шанц паспрабаваць сябе ў прафесіі, згуртавацца з калектывам, раскрыць свой творчы патэнцыял. Да таго ж такая дзейнасць не абыходзіцца без творчасці: у студатрадах арганізаваны вольны час і праводзяцца шматлікія конкурсы. У сярэднім баец можа зарабіць ад 300–400 да 1000 рублёў за працоўны семестр. Усё залежыць ад аб'ёму выкананай работы. Іншымі словамі, гэта школа жыцця для маладых людзей.

Надзея Шахоўская адзначыла, што ў краіне студатрадаўскі рух быў адроджаны пры падтрымцы кіраўніка дзяржавы. І сёння дзякуючы яму, а таксама органам улады, захоўваючы свае найлепшыя традыцыі, ён развіваецца і далей. «Сёлета падпісаны Указ № 58 «Аб арганізацыі дзейнасці студэнцкіх атрадаў на тэрыторыі Беларусі». Ён уступіць у сілу з наступнага года і здыме вельмі многія бар'еры пры фарміраванні студатрадаў, будзе спрыяць таму, каб у студатрадах усіх профіляў хлопцы і дзяўчаты маглі адпрацоўваць і вучэбную практыку», — кажа камандзір штаба студатрадаў.

У гэтым годзе міжнародны вытворчы праект «Атлант-2020» сабраў каля 800 студэнтаў з розных абласцей краіны, расказала яго камандзір Хрысціна ХУБУЛАВА.

— Хлопцы і дзяўчаты займаюцца зборкай халадзільнікаў, апрацоўкай металу і выконваюць іншыя работы. Дзякуючы спаборніцкаму духу яны імкнуцца хутка паляпшаць свае паказчыкі, праект дае стымул працаваць больш эфектыўна. Быў створаны электронны журнал уліку працы, у ім камандзіры і камісары запісваюць асабістыя каэфіцыенты інтэнсіўнасці работы кожнага байца, такім чынам вылічваецца агульны каэфіцыент атрада, па якім можна выбраць найлепшы. Таксама для нас важная не толькі работа, але і тое, што застаецца па-за ёй: розныя мерапрыемствы, конкурсы, гульні. На гэта звяртаем асаблівую ўвагу.

Дар'я ШЛАПАКОВА

Прэв’ю: kosmoremont.ru

Загаловак у газеце: Студатрады як школа жыцця

Выбар рэдакцыі

Грамадства

Што мяняецца з 1 снежня

Што мяняецца з 1 снежня

Вырасце памер пенсiй: па ўзросце, за выслугу гадоў, па iнвалiднасцi, з прычыны страты кармiцеля. 

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

Бонусы для альтруiстаў могуць быць прадугледжаны законам аб валанцёрскай дзейнасцi

Бонусы для альтруiстаў могуць быць прадугледжаны законам аб валанцёрскай дзейнасцi

Пра гэтыя i iншыя прапановы ў законапраект аб валанцёрскай дзейнасцi разважалi эксперты падчас круглага стала.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава.