Праект па альтэрнатыўным падліку галасоў накіраваны на дэвальвацыю афіцыйных вынікаў выбараў, каб арганізаваць масавыя беспарадкі. Пра гэта заявіла ў відэазвароце старшыня ЦВК Лідзія Ярмошына, перадае БелТА.
Старшыня ЦВК заклікала крытычна паставіцца да запэўненняў, што анлайн-праект па альтэрнатыўным падліку галасоў — гэта кантроль за волевыяўленнем. «Гэта не кантроль. Гэта стварэнне скажонага выніку выбараў для таго, каб дэвальваваць афіцыйны вынік галасавання і на гэтай падставе арганізаваць масавыя беспарадкі. Вось для чаго гэта робіцца, а зусім не для кантролю», — падкрэсліла яна.
«Па сутнасці справы тое, што прапаноўваецца, — гэта стварэнне ценявога Цэнтрвыбаркама. У сілу Канстытуцыі правядзенне выбараў забяспечваюць выбарчыя камісіі. Ніякая іншая структура, нават калі яна далучаецца на апошнім этапе і спрабуе звесці галасы выбаршчыкаў, не з’яўляецца законнай, па сутнасці справы яна падмяняе сваёй дзейнасцю ЦВК», — дадала Лідзія Ярмошына.
Кіраўнік Цэнтрвыбаркама лічыць надзвычай дзіўным, што «дадзеную платформу, гэты шкодны, проста злачынны праект рэкламуе чалавек, які з’яўляецца патэнцыйным гарантам Канстытуцыі, то ёсць кандыдат у Прэзідэнты, які ўдзельнічае ў выбарах».
Старшыня ЦВК звярнула ўвагу, што ў многіх краінах насцярожана ставяцца нават да электроннага галасавання. Досыць лёгкай маніпуляцыі — і галасы выбаршчыкаў могуць быць скажоныя любым зручным спосабам і ў зручным варыянце для заказчыка, патлумачыла яна.
Прэв’ю: БелТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».