22 верасня, аўторак

Вы тут

Галасаванне прадугледжана да 20.00, падаўжаць тэрмін нельга - ЦВК


Падаўжаць тэрмін галасавання нельга, паведаміла старшыня Цэнтральнай выбарчай камісіі Лідзія Ярмошына ў эфіры тэлеканала «Беларусь 1».


«Адразу ж магу сказаць, што падаўжаць тэрмін галасавання нельга, закон прадугледжвае галасаванне да 20.00, ЦВК не ўносіць змены ў закон. Адпаведна, камісіі павінны зачыніцца», — цытуе Лідзію Ярмошыну БЕЛТА.

Па яе словах, правакатары наўмысна зацягваюць працэс і псуюць бюлетэні. «Яны звяртаюцца за другім бюлетэнем, псуюць другі. І калі ім адмаўляюцца выдаваць новы, яны кажуць: вы парушаеце нашы канстытуцыйныя правы. Адразу ж магу сказаць, што норма запісаная так, што прадугледжвае выдачу аднаго бюлетэня наўзамен аднаго сапсаванага. Усё астатняе ўжо можна разглядаць як дзейнасць, накіраваную на супрацьдзеянне выбарчай кампаніі, гэта значыць адміністрацыйнае правапарушэнне», — патлумачыла кіраўнік ЦВК.

Лідзія Ярмошына таксама пракамэнтавала размешчаны напярэдадні аўдыёзапіс з аднаго з участкаў. «У нас ёсць інфармацыя ад назіральнікаў, якія прысутнічалі на ўчастку для галасавання і якія працуюць па лініі Федэрацыі прафсаюзаў. Яны заяўляюць, што гэта была рэпетыцыя, што гэта выдуманыя лічбы і проста рэпетаваў старшыня з членамі камісіі. Назавем гэта трэнінг, які ён праводзіў. Магу сказаць, што гэта, напэўна, так і было», — сказала яна.

Прэв’ю: БЕЛТА

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.