Старшыня Кітайскай Народнай Рэспублікі Сі Цзіньпін першым накіраваў пасланне ў адрас Прэзідэнта Беларусі Аляксандра Лукашэнкі з віншаваннямі з перамогай на прэзідэнцкіх выбарах, паведамляе БЕЛТА.
“Ад імя ўраду Кітая і кітайскага народу, а таксама ад сябе асабіста выказваю цёплыя віншаванні і найлепшыя пажаданні. Упэўнены, што пад Вашым кіраўніцтвам Беларусь абавязкова дасягне новых бліскучых поспехаў у справе дзяржаўнага будаўніцтва”, – гаворыцца ў віншаванні.
Сі Цзіньпін адзначыў, што ў апошнія гады беларуска-кітайскія стасункі ўсебаковага стратэгічнага партнёрства функцыянуюць на высокім узроўні. “Кітай і Беларусь з’яўляюцца “жалезнымі братамі” і ўсепагоднымі партнёрамі. Я надаю вялікае значэнне развіццю беларуска-кітайскіх стасункаў і цаню добрыя працоўныя адносіны і асабістае сяброўства з Вамі”, – падкрэсліў кітайскі лідар.
Ён выказаў гатоўнасць разам з кіраўніком беларускай дзяржавы прыкладаць намаганні для сумеснага прасоўвання кітайска-беларускіх стасункаў усебаковага стратэгічнага партнёрства, адкрыцця новых перспектыў узаемавыгаднага супрацоўнітцва у розных абласцях на карысць дзвюх краін і народаў.
Сі Цзіньпін пажадаў Аляксандру Лукашэнку моцнага здароўя і поспехаў у працы, сяброўскай Беларусі – працвітання і магутнасці, а яе народу – шчасця і дабрабыту.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
