19 верасня, субота

Вы тут

Калектыў МАЗа працуе стабільна


У некаторых тэлеграм-каналах з'явілася інфармацыя пра забастоўкі на найбуйнейшых заводах краіны. З гэтай нагоды кіраўніцтва некаторых з іх запрасіла ў свае цэхі прадстаўнікоў СМІ.


«На сённяшні дзень МАЗ працуе вельмі напружана, у нас па аўтобуснай вытворчасці тры змены, маецца шмат заказаў, асабліва экспартныя: Расійская Федэрацыя, Украіна. Канвеер працуе ў дзве змены. Ёсць рэалізацыя. Калектыў настроены па-баявому, ніякіх хваляванняў, панікёрскіх настрояў няма, абсалютна нармальныя, рабочыя задачы, усе разумеюць для сябе тое, што будучае людзей, іх сем'яў — у нашай працы, таму абсалютна ўсё нармальна і штатна», — пракаментаваў сітуацыю на Мінскім аўтамабільным заводзе генеральны дырэктар ААТ «МАЗ — кіруючая кампанія холдынга «БЕЛАЎТАМАЗ» Валерый Іванковіч.

Кіраўнік прадпрыемства дадаў, што разам з прафсаюзам пастаянна сустракаецца з калектывам на ўсіх узроўнях, штотыднёва — з актывам прафсаюзнай арганізацыі, раз на месяц — з усім працоўным калектывам. На тыдні перад выбарамі было дзве сустрэчы з працоўным калектывам і актывам прадпрыемства.

«Мы абмяркоўваем шчыра, адкрыта ўсе пытанні — папулярныя і непапулярныя, я нефармальна гутару, абстаноўка ў калектыве стабільная, калектыў працуе і падтрымлівае той выбар, які зрабіла краіна, — сказаў ён. — Мы за Беларусь, мы за квітнеючую Беларусь».

Сёлета на заводзе сабрана ўжо 5300 аўтамабіляў (летась за той жа перыяд было зроблена 5100). На 170 мільёнаў долараў адгружана прадукцыі ў розныя краіны свету. Сярэдні заробак за першае паўгоддзе склаў 1200 рублёў.

«Задачы напружаныя, абавязацельствы вялікія, і нам трэба працаваць», — рэзюмаваў генеральны дырэктар.

У прысутнасці журналістаў Валерый Іванковіч звярнуўся да калектыву:

«Вы мяне ведаеце, я ваш кіраўнік і нясу адказнасць за вашу бяспеку, вас, вашых сем'яў і вашых блізкіх. Не трэба паддавацца на тыя правакацыі, якія адбываюцца. Не трэба падзяляць людзей... Мы заўсёды жылі мірна, працавалі, выконвалі сур'ёзныя задачы і разумелі, што наш хлеб у нашым заробку і нашых мазолістых руках».

Працуе ў штатным рэжыме і БелАЗ, расказаў журналістам выконваючы абавязкі кіраўніка прадпрыемства Алег Сцяпук.

Інфармацыю пра забастоўку супрацоўнікаў абвергла і прэс-служба Інстытута хіміі новых матэрыялаў Нацыянальнай акадэміі навук, паведаміла БелТА.

Вольга МЯДЗВЕДЗЕВА

Выбар рэдакцыі

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

«А аднойчы нашу аператарку запрасілі замуж па тэлефоне». Чым жыве кантакт-цэнтр «Белпошты»?

«А аднойчы нашу аператарку запрасілі замуж па тэлефоне». Чым жыве кантакт-цэнтр «Белпошты»?

Тры кароткія лічбы — 154. Гэта нумар кантакт-цэнтра «Белпошты». Яго набіраюць тыя, хто сутыкаецца з пытаннямі датычна паслуг, якія аказваюць паштавікі. За кожным з такіх званкоў стаіць свая гісторыя.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.