30 верасня, серада

Вы тут

У Кобрыне кіроўца наехаў на жанчыну, якая сядзела на пераходзе. Ён атрымаў 3 гады абмежавання волі


Суд Кобрынскага раёна разгледзеў крымінальную справу па ДТЗ, у якім пацярпела пажылая жанчына, паведамілі БЕЛТА ў прэс-службе Брэсцкага абласнога суда.


Аварыя здарылася ў райцэнтры 14 лютага. Пры пад’ездзе да нерэгуляванага пераходу кіроўца не абраў хуткасць, якая дазволіла б яму саступіць дарогу пешаходам. З-за гэтага ён збіў пенсіянерку, якая сядзела на разметцы пераходу. Незадоўга да гэтага яна атрымала траўму і не магла сысці.

Суд прызнаў мужчыну вінаватым па ч.2 арт.317 (парушэнне ПДР, што пацягнула па неасцярожнасці прычыненне цяжкага цялеснага пашкоджання). Яму прызначана пакаранне ў выглядзе трох гадоў абмежавання волі без накіравання ў выпраўленчую ўстанову адкрытага тыпу. Таксама ён на пяць гадоў пазбаўлены права займацца дзейнасцю, звязанай з кіраваннем транспартам.

Акрамя таго, з кіроўцы пастаноўлена спагнаць на карысць пацярпелай матэрыяльнае пакрыццё шкоды ў памеры Br17,5 тыс.

Прысуд не ўступіў у законную сілу і можа быць абскарджаны і апратэставаны ў апеляцыйным парадку.

Прэв’ю: loyer.com.ua

Выбар рэдакцыі

Грамадства

Злачыннае «паляванне». Як абаранiць сябе ад «аматараў чужой маёмасцi»?

Злачыннае «паляванне». Як абаранiць сябе ад «аматараў чужой маёмасцi»?

Валоданне нейкiмi рэчамi азначае i тое, што на iх могуць паквапiцца староннiя. Няма рознiцы, што гэта — мабiльны тэлефон, сумачка цi бензатрымер. 

Грамадства

Ветэран патрульна-паставой службы міліцыі расказвае пра службу ў 90-я гады

Ветэран патрульна-паставой службы міліцыі расказвае пра службу ў 90-я гады

Служба гэтая вельмi напружаная — трэба пастаянна быць у курсе ўсяго, што адбываецца на тэрыторыi даручанага раёна, трымаць кантакт з мясцовымi жыхарамi.