28 верасня, панядзелак

Вы тут

Гатуем кугель з агароднiнай і квашаныя агуркі на зіму


Кугель

Кугель — традыцыйная яўрэйская страва. Рэцэптаў яго вельмi шмат, ён можа быць i бульбяны, i фруктовы, i карамельны, i з вермiшэллю. Традыцыйна кугель уяўляе сабой вялiкi круглы пiрог, дакладней, запяканку. У iм выкарыстоўваецца яечная залiўка без малака.

Спатрэбiцца: бульба — 2 шт., морква — 2 шт., маленькiя цукiнi — 2 шт., цыбулiна — 1 шт., часнок — 4 зубкi, яйка — 3 шт., алей — 4 ст.л, молатыя сухары — 3 ст.л., сушаны базiлiк — 0,25 ч. л., дробна насечаная пятрушка — 1 ст. л., соль i чорны перац — на смак.

Бульбу, цыбулю, моркву i цукiнi надзерцi на буйной тарцы. Часнок дробна нарэзаць. Змяшаць агароднiну з сухарамi, яйкамi, пятрушкай, базiлiкам, соллю i перцам да стану густога цеста. Перакласцi атрыманую масу ў змазаную алеем форму, разраўняць паверхню i запякаць 50-60 хвiлiн пры 180 0С да хрумсткай скарыначкi.

Квашаныя агуркi на зiму

Даўней агуркi квасiлi ў вялiкiх драўляных бочках, якiя надавалi iм свой водар. Але цяпер iх закрываюць у слоiкi. Такi метад нашмат зручнейшы. Агурочкi па гэтым рэцэпце можна захоўваць нават у кухоннай шафе, i з iмi нiчога не здарыцца.

Спатрэбiцца: агуркi — 1,5 кг, вада — 1,5 л, соль — 2,5 ст. л., часнок — галоўка, суквеццi кропу — 10 шт., лiсты хрэну — 3 шт.

Старанна адбiраем агурочкi (калi ў iх ёсць пустоты, то яны не падыходзяць). Затым выдаляем хвосцiкi i выкладваем у мiску. Залiваем вадой i пакiдаем на 2,5 гадзiны. Затым прамываем пад вадой.

Бярэм вялiкую каструлю i выкладаем у яе агуркi, па чарзе змешваючы са спецыямi (кропам, хрэнам i часнаком). Накрываем зверху лiстамi хрэну i злёгку прыцiскаем.

Гатуем расол: у вадзе раствараем соль i залiваем атрыманым расолам агуркi. Накрываем iх талеркай ды пакiдаем квасiцца ў цёмным месцы на пяць сутак. Спачатку яны пачнуць брадзiць, затым з'явiцца пена, i толькi калi памутнеюць — агуркi гатовыя.

Затым злiваем расол у каструлю i даводзiм яго да кiпення. Агуркi ўкладваем у слоiк i залiваем атрыманым расолам. Закатваем. Накрываем i пакiдаем на сем гадзiн.

Каб пачаты лімон не засыхаў, апусціце яго ў халодную ваду. Ён не толькі захавае свежасць, але і стане больш сакавіты.

Не выкідвайце насенне ад салодкага перцу. Збірайце і сушыце. Узімку яго можна дадаваць у ежу. Насенне, дарэчы, утрымлівае больш карысных рэчываў, чым сам перац, і надае стравам прыемны водар.

Выбар рэдакцыі

Рэлігія

Адноўлены Тураўскі крыж паказалі ў Мінску

Адноўлены Тураўскі крыж паказалі ў Мінску

Вячэрняе набажэнства у саборы прайшло, авеянае дарагімі для ўсіх сімваламі вяртання і адраджэння духоўных традыцый.  

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.