Як паведамляецца на сайце Магiлёўскага аблвыканкама, арганiзатарамi конкурсу выступаюць абласная арганiзацыя Беларускага саюза журналiстаў, галоўнае ўпраўленне iдэалагiчнай работы i па справах моладзi аблвыканкама, а таксама рэдакцыя Бялынiцкай раённай газеты «Зара над Друццю». Конкурс праводзiцца да 1 верасня 2020-га.
Хто можа паўдзельнiчаць? Журналiсты i блогеры, якiя выказалi жаданне апублiкаваць артыкул у друкаваным СМI, падрыхтаваць тэле- або радыёрэпартаж, скласцi i апублiкаваць пост (iнфармацыйны блок, размешчаны карыстальнiкам у сацыяльнай сетцы, блогу) па тэматыцы конкурсу.
Спаборнiцтва праводзiцца па наступных намiнацыях:
I — найлепшы аўтар публiкацыi ў друкаваных СМI;
II — найлепшы рэпартаж у электронных СМI;
III — найлепшы блогер.
У кожнай з трох груп прысуджаецца 1-е, 2-е i 3-е месца. За першае месца ў кожнай намiнацыi пераможцам уручаецца дыплом i прэмiя ў памеры 5 базавых велiчынь, за другое i трэцяе — дыплом i спецыяльны падарунак.
Конкурсныя матэрыялы, размешчаныя ў сацыяльных сетках, павiнны абавязкова быць пазначаны хэштэгам «#Дзень_беларускага_пiсьменства2020».
Заяўку на ўдзел у конкурсе i конкурсныя матэрыялы неабходна накiроўваць на электронны адрас otd.smi@yandex.ru з абавязковай пазнакай «На конкурс». Прымаюцца iнфармацыйныя матэрыялы, публiкацыi, радыё- i тэлерэпартажы 2019—2020 гадоў, прысвечаныя падрыхтоўцы i правядзенню Дня беларускага пiсьменства ў Бялынiчах, папулярызацыi беларускага пiсьменства i лiтаратуры.
Узнагароджанне пераможцаў конкурсу адбудзецца ў Бялынiчах на мерапрыемствах Дня беларускага пiсьменства.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».