Вы тут

1 верасня Беларускі дзяржаўны ўніверсітэт сустрэне больш за пяць тысяч першакурснікаў


Сярод абітурыентаў 2020 года 85,3 % мелі пры залічэнні больш за 300 балаў. Традыцыйна самыя высокія прахадныя балы склаліся на факультэце міжнародных адносін: «міжнароднае права» (386), «міжнародныя адносіны» і «лінгвакраіназнаўства» (па 382). Таксама на 15 чалавек узрасла колькасць абітурыентаў, якія заявілі ў прыёмную камісію 100-бальныя сертыфікаты ЦТ. Яшчэ адной адметнасцю прыёмнай кампаніі стала павелічэнне колькасці прынятых без экзаменаў — 159 чалавек.


bsut.by

Як паведаміў падчас брыфінгу рэктар БДУ Андрэй Кароль, навучальны працэс будзе праходзіць ва ўніверсітэце ў класічным вочным фармаце і з выкарыстаннем Адукацыйнага партала Moodle. На сённяшні дзень інфармацыйна-камунікацыйныя тэхналогіі (ІКТ) прымяняюцца ў больш чым 2000 навучальных праграм БДУ. Яны прадугледжваюць не капіраванне гатовай інфармацыі, а стварэнне новых метадалагічных, змястоўных і тэхналагічных падыходаў. Сёння ў БДУ для арганізацыі навучальнага працэсу з дапамогай ІКТ распрацаваны метадычныя рэкамендацыі, майстар-класы, працуе «Педагагічная майстэрня анлайн-навучання».

У новым навучальным годзе студэнцкая моладзь будзе пражываць у дзевяці інтэрнатах БДУ. Усяго для іх выдзелена звыш васьмі тысяч месцаў, такім чынам дахам над галавой будзе забяспечана каля 77 % ад агульнай колькасці ўсіх, хто мае ў гэтым патрэбу. Акрамя таго, студэнтам БДУ прапануюць дадатковыя 350 месцаў у інтэрнатах іншых універсітэтаў і прадпрыемстваў сталіцы.

Дарэчы, у двух інтэрнатах БДУ быў праведзены капітальны рамонт, у астатніх — касметычны: клеілі шпалеры, фарбавалі падлогі, ліфтавыя, фасады, столі, сцены і вокны, рамантавалі і рэстаўравалі мэблю, добраўпарадкавалі прылеглую да інтэрнатаў тэрыторыю. Разам з падраднымі арганізацыямі ў добраўпарадкаванні інтэрнатаў удзельнічалі і студэнты. Будатрад па падрыхтоўцы інтэрнатаў да новага навучальнага года налічваў 180 чалавек.

У Белдзяржуніверсітэце па ініцыятыве Студэнцкага гарадка функцыянуе электронны банк даных аб кватэрах і пакоях, якія здаюцца ў наём для студэнтаў БДУ. Гэта інфармацыя размешчана ў асабістым кабінеце студэнта ў раздзеле «Інтэрнаты» і даступная ў рэжыме анлайн. Акрамя таго, для аператыўнага рэагавання на пытанні, якія датычацца засялення, у Студэнцкім гарадку да 31 жніўня будзе працаваць тэлефонная «гарачая лінія» (па буднях з 9.00 да 12.00 і з 14.00 да 17.00, тэлефон 209-56-56). Адказы на пытанні, якія цікавяць, таксама можна атрымаць у сацыяльных сетках Студэнцкага гарадка.

У першую чаргу магчымасць пражывання ў інтэрнатах атрымаюць студэнты, у якіх ёсць ільготы ў адпаведнасці з заканадаўствам Рэспублікі Беларусь, а таксама тыя, хто ўваходзяць у катэгорыю сацыяльна неабароненых грамадзян. Далей у інтэрнаты засяляюцца навучэнцы, якія праявілі сябе ў навукова-даследчай, спартыўнай, культурна-масавай, грамадскай дзейнасці і з найбольш высокім балам паспяховасці.

Надзея НІКАЛАЕВА

Загаловак у газеце: Вочны фармат плюс тэхналогіі

Выбар рэдакцыі

Грамадства

Iмплантацыя зубоў: цi ёсць падставы для страху i сумненняў?

Iмплантацыя зубоў: цi ёсць падставы для страху i сумненняў?

Урачы папярэджваюць: нават калi з нейкiх прычын прыйшлося выдалiць адзiн зуб, яму патрэбная замена. 

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Праўду кажуць: няма лесу без ваўка, а сяла без злодзея.

Грамадства

«Лепшы цюнінг для машын — правільны пратэктар шын»

«Лепшы цюнінг для машын — правільны пратэктар шын»

Менавіта пад такім слоганам будзе праводзіцца Рэспубліканская прафілактычная акцыя, якая ініцыяваная на нашых дарогах Дзяржаўтаінспекцыяй краіны. 

Грамадства

Зімовы асартымент. Колькі каштуюць «вітаміны» на «Лебядзіным»

Зімовы асартымент. Колькі каштуюць «вітаміны» на «Лебядзіным»

З якімі прыкметамі вы звязваеце набліжэнне зімы?