21 кастрычніка, серада

Вы тут

Як прайшоў этнафэст «Кліч Палесся»


У апошнюю суботу жніўня нарэшце адбыўся фестываль этнакультурных традыцый «Кліч Палесся». Ён праходзіць адзін раз у два гады, а сёлета стаў шостым па ліку. Як заўсёды, свята прайшло на прыпяцкім беразе ў вёсцы Ляскавічы Петрыкаўскага раёна. Можна сказаць, у самым сэрцы беларускага Палесся.


Адметная і сама вёска. Тут знаходзіцца адміністрацыя Прыпяцкага нацыянальнага парка, а сам запаведнік з’яўляецца пачынальнікам і арганізатарам маштабнага і ўжо вядомага форуму захавання і папулярызацыі векавых культурных набыткаў.

Гэтым разам фестываль змяніў дыслакацыю. Усе канцэртныя пляцоўкі і этнафальклорныя падворкі раёнаў Гомельскай і Брэсцкай абласцей перасунуліся на адну вялікую — у форме круга, пляцоўку, накшталт старажытнага кірмаша.

Тут упершыню пабудавалі высокую вежу — для агляду зверху і на прыпяцкі заток, і на прыгожыя пабудовы і, вядома, на само прыгожае і рознакаляровае свята. Узвялі прыгожую карчму пад чаротавым дахам, а яшчэ непадалёк ад берага змайстравалі вятрак — драўляны ветраны млын.

Але канцэптуальны змест праграмы фэсту застаўся ранейшы — паказ самабытных паляшуцкіх традыцый, якія дэманстравалі здольныя і таленавітыя майстры і рамеснікі, музыканты і пявунні, увішныя гандляры і дасціпныя і вясёлыя артысты, якія прыехалі са сталіцы, з Гомеля і нават з Украіны.

Вядома, свята ніколі не абыходзіцца без дзіцячых калектываў Петрыкава.

Як заўсёды, на галоўнай сцэне агучвалі званне і ўручалі дыпломы ганаровага палешука. Па традыцыі праводзілі і конкурс «Прыгажуня Палесся».

Анатоль КЛЯШЧУК

Фота аўтара


Выбар рэдакцыі

Грамадства

Як правільна суперажываць блізкім? Чаму не працуе звычайнае «Вазьмі сябе ў рукі!»?

Як правільна суперажываць блізкім? Чаму не працуе звычайнае «Вазьмі сябе ў рукі!»?

У падтрымцы звычайна маюць патрэбу ўсе жывыя людзі ў складаныя перыяды жыцця.

Культура

Франтавiк Мiхаiл Чэпiк эксперыментаваў з аэражывапiсам

Франтавiк Мiхаiл Чэпiк эксперыментаваў з аэражывапiсам

Як хлапчук з беларускай глыбiнкi здолеў паступiць у Маскоўскае мастацкае вучылiшча iмя Калiнiна?

Грамадства

Экс вiцэ-прэм'ер Уладзiмiр Дражын: Галоўнае — не разбурыць, а захаваць i працягнуць работу

Экс вiцэ-прэм'ер Уладзiмiр Дражын: Галоўнае — не разбурыць, а захаваць i працягнуць работу

Аб альтэрнатыве клайпедскаму порту, рэканструкцыi Нясвiжскага палаца i роднай мове падчас сямейных сустрэч.