Вы тут

Што зменіцца ў Беларусі 1 верасня


Ювелірныя вырабы — праз інтэрнэт

Фота: pixabay.com

Плануецца, што беларусы змогуць набываць ювелірныя вырабы праз інтэрнэт. Навацыя будзе дзейнічаць ад заўтра і да 31 жніўня 2022 года.

Але анлайн прадаўцы могуць рэалізоўваць толькі беларускія ювелірныя вырабы. На іх абавязкова павінны быць маркіраваныя коды ідэнтыфікацыі.

Шматдзетным сем’ям змянілі ўмовы выдзялення сацыяльнай дапамогі

З 1 верасня набудуць моц некаторыя палажэнні Указа № 171 «Аб сацыяльнай падтрымцы асобных катэгорый грамадзян». Шматдзетным сем’ям павялічаць перыяд давання дзяржаўнай адраснай сацыяльнай дапамогі ў выглядзе штомесячнай сацыяльнай дапамогі да 12 месяцаў (цяпер — да 6 месяцаў), а таксама крытэрый патрэбнасці са 100% да 115% бюджэту пражытачнага мінімуму ў сярэднім на душу насельніцтва для прызначэння такой дапамогі.

Уезд украінцаў у Беларусь толькі па замежпаспартах

З 1 верасня грамадзяне Украіны могуць уехаць у Беларусь толькі па замежным пашпарце. З пераліку дакументаў для ўезду, выезду, праезду транзітам і знаходжання на тэрыторыі Беларусі выключаецца пашпарт грамадзяніна Украіны (унутраны пашпарт). Таксама не дапускаецца ўезд па ID-картках.

Павялічаць нормы расходаў на харчаванне ў сярэдніх школах — вучылішчах алімпійскага рэзерву

З 1 верасня ўступіць у сілу пастанова Міністэрства спорту і турызму № 28 ад 10 жніўня 2020 года. Дакумент прадугледжвае павелічэнне нормы расходаў на харчаванне для вучняў у сярэдніх школах — вучылішчах алімпійскага рэзерву.

У залежнасці ад ступені (II або III) на ўзроўні агульнай сярэдняй адукацыі, норма выдаткаў у дзень на аднаго навучэнца пры арганізацыі харчавання ў сталовай, якая з’яўляецца структурным падраздзяленнем сярэдняй школы — вучылішча алімпійскага рэзерву, павялічыцца на 52 капейкі або 65 капеек. На ўзроўні сярэдняй спецыяльнай адукацыі норма ўзрасце на 76 капеек.

Таксама ўзрасце норма выдаткаў на вучня і пры арганізацыі харчавання з прыцягненнем юрыдычных асоб і (або) індывідуальных прадпрымальнікаў, якія ажыццяўляюць грамадскае харчаванне.

Адкрываецца сезон палявання на бабра і выдру

Фота: pixabay.com

З 1 верасня ў Беларусі адкрываецца сезон палявання на бабра і выдру. Ён будзе доўжыцца да 31 сакавіка 2021.

Так, паляваць на вышэйзгаданых жывёл можна на працягу сутак з выкарыстаннем дазволеных спосабаў і прылад палявання, а таксама сабак усіх парод, акрамя ганчакоў і хартоў.

Парушальнікам правіл прыйдзецца заплаціць штраф, і яны будуць пазбаўленыя спецыяльнага права.

Падаражэюць некаторыя маркі цыгарэт

Цэны на некаторую тытунёвую прадукцыю вырастуць з 1 верасня. Кошт падымуць як вытворцы, так і імпарцёры цыгарэт. Асобныя маркі падаражэюць на 4-10 капеек. У жніўні цыгарэты не даражэлі.

Выбар рэдакцыі

Эканоміка

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Святлодыёды са шматслойнымі нанаплёнкамі, якія мяняюць колер у залежнасці ад часу сутак і падстройваюцца пад біярытм чалавека...

Спорт

Сёлета футбольнаму клубу «Віцебск» спаўняецца 60 гадоў

Сёлета футбольнаму клубу «Віцебск» спаўняецца 60 гадоў

«У юбілейны сезон хацелася сур'ёзна адзначыць дзень нараджэння. Але пандэмія каранавіруса ўнесла свае карэктывы».

Эканоміка

 Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансавыя паслугi адзiн аднаму людзi аказваюць ужо тысячы гадоў.