Вы тут

На Магілёўшчыне намалацілі мільён тон збожжа


Учора на полі агракамбіната «Зара» ў Магілёўскім раёне было шматлюдна і ўрачыста — тут ушаноўвалі перадавікоў уборачнай кампаніі Магілёўшчыны. Павіншаваць найлепшых прыехалі прадстаўнікі аблвыканкама, прафсаюза АПК, старшыні гар- і райвыканкамаў, Міністэрства сельскай гаспадаркі і харчавання. Перадавікі атрымалі падзякі і падарункі. Са словамі ўдзячнасці да іх звярнуўся старшыня Магілёўскага аблвыканкама Леанід Заяц намеснік міністра сельскай гаспадаркі і харчавання Уладзімір Гракун.


Магілёўскі раён з'яўляецца лідарам сёлетняга жніва, на яго рахунку амаль 124 тысячы тон сабранага збожжа, на другім месцы Шклоўскі з вынікам 112 тысяч тон. У цэлым па вобласці на раніцу ўчарашняга дня было намалочана 1 005 000 тон збожжа і зернебабовых, сярэдняя ўраджайнасць склала 34,4 ц/га. Самая высокая ўраджайнасць збожжа па вобласці — 45,8 ц/га ў гаспадарках Шклоўскага раёна.

На першае верасня лідарам жніва ў маштабах Магілёўскай вобласці быў экіпаж Мікалая Дарэчкіна і Канстанціна Саладухі з СВК «Калгас «Радзіма» Бялыніцкага раёна, які намалаціў амаль 4000 тон збожжа і каля 600 тон рапсу. Да трохтысячнай мяжы наблізіўся механізатар ААТ «Александрыйскае» Шклоўскага раёна Аляксандр Якуцін. Сярод маладзёжных экіпажаў лідарскія пазіцыі ўтрымліваюць стрыечныя браты Андрэй і Сяргей Драздовы — камбайнеры ААТ «Світанак» імя К. П. Арлоўскага Кіраўскага раёна. Іх вынік — больш чым 3025 тон збожжа. Сярод кіроўцаў на ўчарашні дзень найлепшы вынік у Сяргея Грамыкі з ААТ «Горацкая райаграпрамтэхніка» — ён перавёз звыш 3,7 тысяч тон збожжа.

На раніцу ўчарашняга дня ў вобласці было ўбрана 93 % плошчаў, цалкам закончылі жніво Бабруйскі, Быхаўскі, Глускі, Кіраўскі, Асіповіцкі раёны.

— Уборачная кампанія ўжо ўвайшла ў завяршальную стадыю, — адзначыла начальнік аддзела раслінаводства і меліярацыі Камітэта па сельскай гаспадарцы і харчаванні аблвыканкама Лілія Гулінская. — Сёлета было спрыяльнае надвор'е, у апошнія дні яно крыху сапсавалася, што запаволіла ход жніва. Але зараз усё стабілізавалася, і жніво працягваецца.

Нэлі ЗІГУЛЯ

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.