Вы тут

Вітольд Бялыніцкі-Біруля як сімвал творчага яднання


Унікальны мастацкі альбом «Вітольд Бялыніцкі-Біруля» выдадзены пры фінансавай падтрымцы Міністэрства інфармацыі ў пярэдадзень свята беларускага пісьменства.


Кніжная падзея адбылася ў выдавецтве «Беларусь», якое выпусціла альбом як падарунак да ХХVІІ Дня беларускага пісьменства ў Бялынічах. Аўтар ідэі і каардынатар праекта — Уладзімір Пракапцоў, генеральны дырэктар Нацыянальнага мастацкага музея, кандыдат мастацтвазнаўства. Ён з'яўляецца і складальнікам, і аўтарам тэксту выдання.

Рэпрадукцыі карцін, сабраныя ў альбоме, — не проста сведчанне доўгага вандроўнага жыцця вялікага мастака, слаўнага сына зямлі беларускай, а і адлюстраванне яго высокай любові да Айчыны — да Беларусі, а таксама да Расіі, якая сталася для творцы прыстанішчам на доўгія гады жыцця. Таму не дзіўна, што многія выдавецкія праекты, звязаныя з прапагандай жыцця і творчасці нашага суайчынніка, які нарадзіўся ў маёнтку Крынкі Магілёўскай губерні, падтрымлівае Пастаянны камітэт Саюзнай дзяржавы Беларусі і Расіі.

«З ваколіц Пяцігорска», «Стэпавая рэчка вясной», «Хаты ля возера. Ваколіцы «Чайкі», «Кіраўск. Горы», «Хібіны. Запаляр'е», «Баранцава мора», «Старое Памор'е. Запаляр'е», «Пачатак палярнай зімы», «Ульянаўск. Стары вянец» — гэта не проста назвы. У гэтых краявідах — і моц таленту жывапісца, і яго памкненне адкрыць свету ўбачанае толькі ім, і жаданне запрасіць усіх гледачоў, аматараў выяўленчага мастацтва ў бясконцае, поўнае адкрыццяў падарожжа.

Мастацкі альбом дапаўняе багатая калекцыя фотаздымкаў. Уладзімір Пракапцоў, які шмат робіць дзеля прапаганды творчасці вялікіх мастакоў Беларусі, напісаў фактычна нарыс жыцця і творчасці В. Бялыніцкага-Бірулі. Гэта вылучае альбом сярод іншых мастацкіх выданняў і дазваляе пашырыць яго функцыі. Несумненна, такая кніга патрэбная не толькі беларускім, але і расійскім чытачам і гледачам. Можна толькі павіншаваць аўтара і выдавецтва, што ў шэраг багатай калекцыі выданняў пра Вітольда Каятанавіча дадалося яшчэ адно выданне. А нашым «звяздоўскім» чытачам нагадаем, што пачатак прызнання В. Бялыніцкага-Бірулі ў Беларусі ў многім адбыўся і дзякуючы руплівасці нашага калегі, у свой час журналіста «Звязды», выключна таленавітага, яркага пісьменніка Віктара Карамазава, які стварыў мастацкую біяграфію майстра.

Мікола РАЎНАПОЛЬСКІ

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.