01 снежня, аўторак

Вы тут

Студэнты Гродзенскага аграрнага ўніверсітэта адзначылі 18-ю гадавіну БРСМ велапрабегам па горадзе


Упершыню падобная акцыя адбылася тры гады таму. Праз год ідэю падтрымалі. І вось 6 верасня, у дзень стварэння грамадскага маладзёжнага аб'яднання, прайшоў чарговы, чацвёрты па ліку велапрабег будучых спецыялістаў-аграрыяў.


А каб мерапрыемства стала яшчэ і пазнавальным, старшакурснікі ВНУ прапанавалі зрабіць экскурс па гістарычных мясцінах горада. Яны выступілі ў якасці гідаў для першакурснікаў, многія з якіх прыехалі на вучобу з розных раёнаў вобласці.

Старт велапрабегу быў дадзены ад маладзёжнага цэнтра «Гродна». Далей маршрут пралягаў праз парк імя Жылібера, каля старажытнай лютэранскай кірхі, заапарка, Свята-Пакроўскага кафедральнага сабора, дома пісьменніцы Элізы Ажэшкі, драмтэатра, Старога і Новага замкаў, Вялікай харальнай сінагогі. Фінішавалі студэнты ў Каложскім парку, непадалёк ад знакамітай Каложскай царквы ХІІ стагоддзя. Такім чынам удзельнікі велапрабегу не толькі даведаліся шмат пазнавальнага, але і з карысцю для здароўя правялі свой час. Па словах сакратара пярвічкі ГА «БРСМ» аграрнага ўніверсітэта Вікторыі Бобніс, такія сумесныя акцыі садзейнічаюць яшчэ большай згуртаванасці студэнтаў, даюць імпульс для новых спраў і ўздымаюць настрой.

Дарэчы, гэтым разам прадстаўнікі аграрнага ўніверсітэта ўдзельнічалі ў велапрабегу не ўпершыню. У жніўні актывісты прафсаюза студэнтаў прынялі ўдзел у першым Гродзенскім абласным прафсаюзным велапрабегу «За Беларусь». Тады маршрут праходзіў па маляўнічых мясцінах Гродзенскага раёна.

Маргарыта УШКЕВІЧ

Фота: grodnonews.by

Загаловак у газеце: Дзень нараджэння — на ровары

Выбар рэдакцыі

Грамадства

Што мяняецца з 1 снежня

Што мяняецца з 1 снежня

Вырасце памер пенсiй: па ўзросце, за выслугу гадоў, па iнвалiднасцi, з прычыны страты кармiцеля. 

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

Бонусы для альтруiстаў могуць быць прадугледжаны законам аб валанцёрскай дзейнасцi

Бонусы для альтруiстаў могуць быць прадугледжаны законам аб валанцёрскай дзейнасцi

Пра гэтыя i iншыя прапановы ў законапраект аб валанцёрскай дзейнасцi разважалi эксперты падчас круглага стала.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава.