Вы тут

У Магілёўскай вобласці працягваюцца акцыі ў падтрымку міру і спакою ў Беларусі


У Магілёўскай вобласці працягваюцца акцыі ў падтрымку міру і спакою ў Беларусі. У старажытным Мсціславе ўжо стала традыцыяй кожны тыдзень праводзіць канцэрты «Беларусь — гэта мы» ў парку міру. Чарговы адбыўся ў сераду.


— Парк міру — самае папулярнае месца ў горадзе, дзе любяць адпачываць нашы жыхары, — удакладняе начальнік аддзела ідэалагічнай работы, культуры і па справах моладзі Мсціслаўскага райвыканкама Наталля Біскуп. — Сваімі песнямі творчыя калектывы раёна хочуць данесці да людзей, што мы разам і мы за мір. Паколькі зараз ідзе месячнік беларускай сімволікі, у праграме патрыятычныя песні. Такія ж канцэрты праходзяць сёння і ў маленькіх вёсках, там сваю творчасць дэманструюць работнікі клубнай сістэмы.

У адзінай звязцы з артыстамі працуюць і мсціслаўскія бібліятэкары. У цэнтральнай раённай бібліятэцы для дарослых прайшла выстаўка беларускай сімволікі, аналагічнае мерапрыемства плануецца зрабіць і для дзяцей. Сектар спорту і турызму райвыканкама арганізоўвае велапрабегі. Не так даўно велааматары праехалі з чырвона-зялёнымі сцяжкамі па Мсціславе, а аматары армрэслінга паўдзельнічалі ў конкурсе асілкаў. У суботу плануецца правесці яшчэ адзін велапрабег — ад кургана Славы да парку міру ў Мсціславе.

У Чэрыкаве ў сераду адбыўся флэшмоб «Гэта Беларусь мая». Каля 40 хлопцаў і дзяўчат выканалі харэаграфічную кампазіцыю на знакамітую песню «Это — наши города/ Это — белая земля/ Это — мой народ любимый/ Это — Беларусь моя».

— А ўчора мы падтрымалі рэспубліканскую акцыю «Пункты міру», на якой раздавалі жыхарам нашага горада стужачкі і сцяжкі з дзяржаўнай сімволікай, — паведаміў першы сакратар Чэрыкаўскага раённага камітэта БРСМ Аляксандр Шараеў. — У планах арганізаваць яшчэ і працоўную акцыю — навесці парадак у нашым парку Перамогі.

Нэлі ЗІГУЛЯ

Загаловак у газеце: За адзіную Беларусь!

Выбар рэдакцыі

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам. 

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.