22 верасня, аўторак

Вы тут

На тэлеканале АНТ прэм'ера — праграма «101 пытанне даросламу»


На тэлеканале АНТ з 12 верасня гледачоў чакае прэм'ера — праграма «101 пытанне даросламу». Гэта ток-шоу, дзе дарослы герой будзе адказваць на пытанні дзяцей 9—17 гадоў. А мадэрыруе іх размову вядучы, чый голас мы чуем толькі за кадрам.


Удзельнікамі першых выпускаў стануць артыст балета і выкладчык Мікалай Цыскарыдзэ, спявачка Дзіяна Арбеніна, рэпер Feduk, мастацкі кіраўнік Тэатра сатыры Аляксандр Шырвінт, артыстка Паліна Гагарына і многія іншыя. Так, у найбліжэйшай прэм'ернай праграме героем будзе ўрач Дзяніс Працэнка, у якога юныя інтэрв'юеры распытаюць пра небяспеку віруса, стаўленне да ўрачэбных памылак, а таксама пра выбар прафесіі і прагулы ў школе, медыцынскі гумар і залежнасць жыццёвага поспеху ад ацэнак у атэстаце.

Як кажа тэлевядучы Сяргей Шубянкоў (яго голас мы чуем у праграме за кадрам), аўдыторыю чакае вяртанне тэлешоу, якое ведалі і любілі доўгія гады, у новым фармаце. «У новым сезоне мы імкнуліся захаваць усё тое, за што аўдыторыя палюбіла гэтую праграму: дзіцячую непасрэднасць, шчырасць і адсутнасць страху задаць нязручнае пытанне чалавеку. І крыху «ажывілі» закадравага вядучага, што мне вельмі прыемна. Таму што цяпер я магу ў гумарыстычным ключы каментаваць размову героя з дзецьмі. Спадзяюся, новае жыццё нашага шоу будзе насычаным і працяглым!»

Што ж, хутка ўбачым, наколькі ўдала пройдзе вяртанне праграмы. Чакаем трансляцыю першага выпуска 12 верасня на тэлеканале АНТ.

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.