30 верасня, серада

Вы тут

Сітуацыя на заходняй мяжы і грамадска-палітычнае становішча абмеркаваны на нарадзе ў Прэзідэнта


Кіраўнік дзяржавы Аляксандр Лукашэнка правёў традыцыйную суботнюю нараду з сілавым блокам Савета бяспекі Беларусі, паведамляе БЕЛТА.


«Першае пытанне — пра сітуацыю на заходняй мяжы. Хацеў бы пачуць даклад міністра абароны і начальніка Генштаба аб тым, якія вы прапануеце дзеянні нашай арміі ў бліжэйшы час. Гэта значыць, калі натаўскія войскі ў Польшчы, Літве ў прынцыпе завяршылі так званыя вучэнні і не варушацца там больш, нам варта адэкватна на гэта рэагаваць. Мы не можам там доўгі час без неабходнасці трымаць Узброеныя Сілы ў такой колькасці. Тым больш што гэта нятанна абыходзіцца», - сказаў Прэзідэнт.

«Калі ж там па-ранейшаму адбываюцца тыя ж падзеі, што і месяц таму назад, значыць, вашы прапановы, як мы будзем рэагаваць у сувязі з гэтым. Словам, далейшыя дзеянні нашых Узброеных Сіл на заходняй мяжы, зыходзячы з таго становішча, якое складваецца у Польшчы і Літве», - дадаў Аляксандр Лукашэнка.

Яшчэ адна тэма нарады — грамадска-палітычная сітуацыя. «Міністр унутраных спраў даложыць нам пра грамадска-палітычную сітуацыю ў цэлым па краіне. Таму што мы звычайна топчамся тут, у Мінску, але краіна не такая маленькая. Таму хацелася б пачуць, якая абстаноўка. Вам у гэтым плане лепш відаць, і вы нам дакладзяце аб сітуацыі, у тым ліку і за мінулы тыдзень», - сказаў кіраўнік дзяржавы.

Міністр абароны Беларусі аб сітуацыі ўздоўж заходніх межаў і рэагаванні Узброеных Сіл

«У рамках выканання пастаўленай кіраўніком дзяржавы задачы па адсочванні сітуацыі на сумежных з Беларуссю тэрыторыях дзяржаў, перамяшчэння войскаў, мы на сённяшні дзень бачым, што ў рамках аперацый «Узмоцненая перадавая прысутнасць» і «Атлантычная рашучасць» рух войскаў НАТО адбываецца на сумежнай тэрыторыі. У прыватнасці, у гэты час адбываецца перакідка на палігон Пабрадэ (у Літве. — Заўвага. БЕЛТА) за 15 кіламетраў ад нашай дзяржаўнай мяжы 2-га танкавага батальёна 69-га танкавага палка ЗША», - расказаў Віктар Хрэнін.

Паводле яго слоў, гэта такое ж мерапрыемства, як было вясной бягучага года. «Але гэта нас таксама не можа не турбаваць, што ў непасрэднай блізкасці ад нашай мяжы будзе задзейнічана каля 500 чалавек, 29 танкаў, 43 баявыя машыны «Брэдлі» , - адзначыў Віктар Хрэнін.

Акрамя таго, адзначаюцца ўзмоцненыя палёты авіяцыі ўздоўж беларускай дзяржаўнай мяжы і вядзенне разведкі мерапрыемстваў на тэрыторыі Беларусі. «Нас не могуць не турбаваць палёты бамбавікоў B-52 ўздоўж нашай дзяржаўнай мяжы», — сказаў міністр абароны.

Ён паведаміў, што, зыходзячы з гэтага, той комплекс мерапрыемстваў, які праводзіўся ў рамках вучэння на гродзенскім тактычным напрамку, згорнуты, войскі вернутыя ў пункты пастаяннай дыслакацыі. Разам з тым, Узброеныя Сілы працягваюць адэкватна рэагаваць на тое, што адбываецца паблізу дзяржмяжы. «Застаюцца на вучэбна-баявым дзяжурстве сілы і сродкі ракетных войскаў і артылерыі, Ваенна-паветраных сілаў і войскаў ППА. У рамках 3-га этапу раптоўнай праверкі Узброеных Сіл мы прывялі ў баявую гатоўнасць танкавы батальён 11-й механізаванай брыгады, які ў дадзены момант цалкам адмабілізаваны, прыведзены ў гатоўнасць, паднятыя ўсе матэрыяльныя сродкі, боепрыпасы. Батальён ажыццяўляе пагрузку на чыгуначны транспарт і будзе перакінуты на палігон «Асіповіцкі», дзе выканае задачы з баявой стральбой, будзе праведзена батальённыя тактычныя вучэнні. Таксама яшчэ 5 воінскіх часцей праводзяць адмабілізаванне», - расказаў міністр абароны.

Выбар рэдакцыі

Грамадства

Інтэр'ер для эстраднай зоркі. Глусчане сведчаць, што Філіп Кіркораў заказваў на іх фабрыцы дзверы

Інтэр'ер для эстраднай зоркі. Глусчане сведчаць, што Філіп Кіркораў заказваў на іх фабрыцы дзверы

Зараз такой фабрыкі няма, але ёсць людзі, якія могуць згадаць гісторыю яе існавання.

Грамадства

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі. 

Грамадства

Злачыннае «паляванне». Як абаранiць сябе ад «аматараў чужой маёмасцi»?

Злачыннае «паляванне». Як абаранiць сябе ад «аматараў чужой маёмасцi»?

Валоданне нейкiмi рэчамi азначае i тое, што на iх могуць паквапiцца староннiя. Няма рознiцы, што гэта — мабiльны тэлефон, сумачка цi бензатрымер.