Вы тут

У старажытным мястэчку Дзівін Кобрынскага раёна аграрыі Брэстчыны адсвяткавалі Дажынкі


Шматлікія госці, асабліва тыя, хто даўнавата не быў тут, здзіўляліся таму, як расквітнеў пасёлак, папрыгажэлі вуліцы і завулкі, памяняліся агароджы, фасады будынкаў. Дадаць сюды прыгажосць гандлёвых і выставачных павільёнаў, мноства самадзейных артыстаў у стракатых касцюмах, музыку, песні ды сотні святочна апранутых людзей... «Такога фэсту Дзівін дакладна не ведаў апошнія гадоў пяцьдзясят», — сказала стараста вёскі Ніна Клачковіч.


Сапраўды, на добраўпарадкаванне вёскі, паляпшэнне сацыяльна-культурных аб'ектаў з розных крыніц было выдаткавана больш за 12 мільёнаў рублёў. Мадэрнізаваныя ўчастковая бальніца і сярэдняя школа, адрамантаваныя яслі-садок і Дом культуры. Сучасны выгляд набылі дарогі, вуліцы, парк. Пабудаваны і рэканструяваны інжынерныя сеткі, сталі больш прывабныя двары. Адным словам, Дзівін сустрэў абласны фестываль працаўнікоў вёскі ва ўсім харастве. Па традыцыі ўрачыстая частка Дажынак пачалася з шэсця перадавікоў. На гэты раз лепшымі камбайнерамі прызнаныя Пётр Мартынюк з сельгаспрадпрыемства «Айчына» Пружанскага раёна, Андрэй Дзянішчык з «Жарабковічаў» Ляхавіцкага раёна, Аляксандр Кіндрук з Сяргеем Ільючыкам з «Дварэцкага» Лунінецкага раёна. Апошнія, дарэчы, трэці год запар становяцца пераможцамі абласнога спаборніцтва.

— Вобласць чарговы раз пацвердзіла статус развітога аграрнага рэгіёна, сабрана больш за мільён тон збожжа, — адзначыў старшыня Брэсцкага аблвыканкама Анатоль ЛІС. — Складнікаў важкага ўраджаю шмат. Былі захаваныя аптымальныя тэрміны сяўбы. Больш чым у два разы павялічылі плошчы гібрыднага жыта як прадуктыўнай культуры. Гэтым разам амаль у шэсць разоў пашырылі плошчу грачыхі, што дазволіць забяспечыць насельніцтва грэчкай уласнай вытворчасці. Вельмі важна, што земляробы забяспечылі тэхналагічны догляд пасеваў. Падрыхтавалі тэхніку і збожжасушыльную гаспадарку: ва ўборцы было задзейнічана 1400 камбайнаў, больш за дзве тысячы грузавых аўтамабіляў, 410 збожжасушыльных комплексаў. Хоць сёлета жніво пачалі на паўтара тыдня пазней, ураджай сабралі хутка і якасна.

Такім чынам агульны валавы збор зерня склаў амаль мільён 350 тысяч тон, што на 12 працэнтаў больш, чым летась. З кожнага гектара сабралі 39,6 цэнтнера збожжа, што на чатыры цэнтнеры больш за леташні паказчык, заўважыў губернатар.

Як заўсёды, цэнтральнай падзеяй фестывалю стала ўшанаванне пераможцаў абласнога спаборніцтва па ўборцы ўраджаю. Лепшымі ў гэтым годзе прызнаныя Іванаўскі, Пружанскі, Камянецкі раёны. Сярод сельгасарганізацый першае месца — у гаспадарак «Ляхавіцкае-Агра» Іванаўскага раёна і «Радастаўскае» Драгічынскага раёна.

...Між тым фестываль працягваўся. Шмат у гэты дзень было ўзнагарод, а яшчэ больш — шчырых цікавых ўсмешак, сустрэч. На розных пляцоўках ішлі канцэрты. Людзі гулялі па вуліцах з сем'ямі, частаваліся, рабілі пакупкі. На фестывалі адзначылася і маларыцкая легенда ткацтва Сцепаніда Сцепанюк. 84-гадовая майстрыха не ўседзела дома — прыехала ў Дзівін і паказвала людзям, як на кроснах тчэцца палатно з узорамі. «Люблю святы, люблю людзей, вось і еду» — сказала народны майстар з Дарапеевіч.

Пагуляў 550-гадовы Дзівін, пасвяткаваў. Застануцца ўражанні і здымкі на памяць.

Святлана ЯСКЕВІЧ

Фота Валерыя КАРАЛЯ

Загаловак у газеце: З хлебам і песняй

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.