Вы тут

30-годдзе музея беларускага кнігадрукавання


30-ГОДДЗЕ МУЗЕЯ БЕЛАРУСКАГА КНІГАДРУКАВАННЯ

8 верасня Музей беларускага кнігадрукавання адзначыў 30-гадовы юбілей. З віншаваннямі да юбіляра зазірнулі шматлікія госці, сярод якіх былі і калегі-музейшчыкі: дырэктары Нацыянальнага гістарычнага музея Павел Сапоцька, Нацыянальнага мастацкага музея Уладзімір Пракапцоў, Дзяржаўнага музея гісторыі беларускай літаратуры Міхаіл Рыбакоў, Дзяржаўнага літаратурнага музея Янкі Купалы Алена Ляшковіч, Віцебскага абласнога краязнаўчага музея Таццяна Старынская і Віцебскага абласнога музея Героя Савецкага Саюза М.П. Шмырова Ірына Шышкова павіншавалі Музей са святам.

Самым чаканым і дарагім госцем стала першая загадчыца Музея, стваральніца яго навуковай канцэпцыі – яго сэнсу і логікі – Галіна Ладзісава, якая зараз узначальвае Музей гісторыі горада Мінска. Успаміны заснавальніцы музея і мастака Ігара Куржалава, які разам з Сяргеем Дзмітрыевым працаваў над мастацкім рашэннем музейнай экспазіцыі, былі не толькі інфармацыйна, але і эмацыйна вельмі насычанымі.

А што яшчэ на свята трэба, акрамя лепшых сяброў, прыемных успамінаў, добрых слоў? Правільна, падарункі. Госці перадалі Музею шматлікія прэзенты. А для Музея беларускага кнігадрукавання самы лепшы падарунак – кніга, асабліва – калі яна з дароўным надпісам. «У самы жывы з усіх музеяў з пажаданнямі і надзеяй быць асветніцкім цэнтрам роднай Бацькаўшчыны...», – так падпісаў у 2004 г. сваю кнігу «Азярод» Сяргей Рублеўскі. «У самы жывы з усіх музеяў з пажаданнямі...» – так называецца выстава, прымеркаваная да 30-годдзя музея. На ёй можна ўбачыць выданні з дароўнымі надпісамі Музею беларускага кнігадрукавання, якія ў розны час і пры розных абставінах пакінулі на старонках сваіх кніг пісьменнікі Васіль Быкаў і Святлана Алексіевіч, Янка Брыль і Алесь Разанаў, мастакі Наталля Паплаўская і Валерый Славук. Яшчэ да свайго афіцыйнага адкрыцця Музей атрымаў падарункі ад Юрыя Лабынцава, Вячаслава Чамярыцкага, Сяргея Панізніка, аўтографы якіх таксама прадстаўлены на выставе. Асабліва цесныя сувязі ў Музея беларускага кнігадрукавання з вядомымі палачанамі. Прэзентацыі сваіх кніг, сустрэчы з землякамі ў Музеі праводзілі Уладзімір Арлоў, Пятро Васючэнка, Алесь Замкоўскі, Ірына Жарнасек, Алесь Аркуш, Навум Гальпяровіч.

Штогод у фонды Музея перадаюцца кнігі-лаўрэаты конкурсу «Мастацтва кнігі», галоўным арганізатарам якога з'яўляецца Міністэрства інфармацыі Рэспублікі Беларусь. Выставы лепшых кніг дэманструюцца потым не толькі ў самім Музеі, але і на Днях беларускага пісьменства ў розных гарадах Беларусі, дзе таксама можна сустрэць аўтара кнігі ці яе выдаўца і атрымаць аўтограф.

Зробленыя на памяць Музею дароўныя надпісы – своеасаблівы летапіс яго жыцця, яго дзейнасці. Выстава «У самы жывы з усіх музеяў з пажаданнямі...» – гэта наша памяць, нашы ўспаміны, нашы эмоцыі, наша гісторыя. Гісторыя, якая толькі пачынаецца...

Наталля Анучына і Дзіяна Кашкур

навуковыя супрацоўнікі Музея беларускага кнігадрукавання

Выбар рэдакцыі

Грамадства

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Чацвёртая педагагічная неканферэнцыя прайшла ў мінулыя выхадныя з нязменным аншлагам і сабрала больш як тры сотні педагогаў з розных куткоў нашай краіны.

Спорт

Марына Літвінчук: Нашы дзеці будуць лепшыя, чым мы

Марына Літвінчук: Нашы дзеці будуць лепшыя, чым мы

Да старту Алімпійскіх гульняў у Токіа засталося менш за год. Увага да галоўных стартаў ужо пяцігодкі будзе каласальная.

Культура

Драматург Ксенія Шталянкова: Я думала — мяне разарве ад эмацыянальнай перанасычанасці

Драматург Ксенія Шталянкова: Я думала — мяне разарве ад эмацыянальнай перанасычанасці

П'еса, якой адкрыўся фестываль ТЭАРТ, прысвечана Мінскаму гета.

Грамадства

Час памятаць. Жыццёвы шлях Аляксандра Чарвякова — першага кіраўніка БССР

Час памятаць. Жыццёвы шлях Аляксандра Чарвякова — першага кіраўніка БССР

Сто гадоў таму ў верасні—кастрычніку 1920 года вакол беларускіх зямель разыгралася сапраўдная драма — у Рызе паміж Расіяй і Польшчай пачаліся перагаворы аб аддзяленні на карысць апошняй часткі тэрыторый Беларусі.