Вы тут

«Звязда» — гэта компас для вырашэння важных жыццёвых пытанняў


Аляксандр Вярсоцкі, старшыня Свіслацкага райвыканкама:

— Маё сяброўства са «Звяздой» пачалося, можна сказаць, з дзяцінства. Мае бацькі заўсёды выпісвалі найстарэйшую газету краіны, значным плюсам было і тое, што яна на роднай беларускай мове. Гэта сямейная традыцыя працягваецца і цяпер.

«Звязда» трывала ўвайшла ў маё жыццё, яна заўсёды на маім працоўным стале разам з іншымі выданнямі. Шмат карыснага для сябе знаходзіў у ёй цяпер у час работы на розных пасадах, бо матэрыялы вельмі разнастайныя. Падчас работы ў сферы культуры звяртаў увагу на матэрыялы па гэтай тэматыцы. Зараз, як прадстаўнік вертыкалі, знаходжу шмат карыснага ў дадатку «Мясцовае самакіраванне». Гэта свайго роду компас для вырашэння важных жыццёвых пытанняў. Што я маю на ўвазе? Напрыклад, карэспандэнт узнімае праблему пітной вады ў нейкім рэгіёне. Але яна сустракаецца паўсюдна ў малых населеных пунктах. Таму адсочваю гэты кірунак і ў сваім раёне, гляджу, як вядзецца работа з забеспячэннем якаснай пітной вадой у нашых вёсках і аграгарадках. Дарэчы, з многімі пытаннямі даводзіцца сутыкацца падчас прыёму грамадзян. У прыватнасці, якасць дарог, нарыхтоўка паліва і многае іншае. Перад дзяржавай стаіць задача стварыць у сельскай мясцовасці новую інфраструктуру, каб людзі тут жылі не горш, чым у горадзе. Такі курс вызначаны і кіраўніком дзяржавы. «Звязда» стабільна ідзе дзяржаўным курсам. А значыць, канструктыўным. Асабліва важным лічу акцэнт на развіццё сяла. На гэту стратэгію скіравана і адпаведная дзяржаўная праграма.

Выданне не стаіць убаку ад надзённых актуальных палітычных праблем. І гэта вельмі важна, бо нашы людзі давяраюць найстарэйшай газеце краіны. Грамадзяне могуць прачытаць аб тым, які размах набыў рух «За Беларусь»: у краіне паўсюдна праходзяць канцэрты, шматлікія велапрабегі і акцыі. Усё гэта адлюстравана на старонках «Звязды».

Маргарыта УШКЕВІЧ

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.