22 верасня, аўторак

Вы тут

Два футбалісты ФК БАТЭ здалі станоўчыя тэсты на каранавірус пасля матчаў зборных


Паўабаронцы БАТЭ Ігар Стасевіч і Станіслаў Драгун пасля вяртання са стану зборнай Беларусі здалі станоўчыя тэсты на каранавірус.


У адпаведнасці з Медыцынскім пратаколам УЕФА па вяртанню да гульні, у аўторак, 15 верасня, барысаўская каманда, якая праз два дні будзе змагацца з балгарскім ЦСКА з Сафіі ў рамках 2-га кваліфікацыйнага раўнду Лігі Еўропы-2020/21, прайшла кантрольнае тэставанне на наяўнасць SARS-CoV-2-RNA. Амаль ва ўсіх прадстаўнікоў БАТЭ — футбалістаў, трэнераў і адміністрацыйнага персаналу — вынікі зноў аказаліся адмоўнымі.

Выключэнне склалі толькі тыя, хто праходзіў працэдуру асобна ад астатніх — Ігар Стасевіч і Станіслаў Драгун. У абодвух пасля адлучкі ў нацыянальную зборную Беларусі з’явіліся прыкметы каранавіруснай інфекцыі, у сувязі з чым вопытныя паўабаронцы на працягу тыдня знаходзіліся ў ізаляцыі. У іх пацвердзіліся станоўчыя вынікі тэстаў.

«Па зразумелых прычынах гэтыя хлопцы ў Балгарыю не паляцяць. Адзначым, што яшчэ трое зборнікаў — Павел Няхайчык, Максім Скавыш і Яўген Яблонскі — не ўдзельнічалі ў трэніровачным працэсе «жоўта-сініх» да таго часу, пакуль не атрымалі два адмоўныя вынікі тэстаў», — паведамляе прэс-служба БАТЭ.

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.