29 кастрычніка, чацвер

Вы тут

Першы ў краіне помнік бульбе з'явіцца ў школе


У вучэбна-педагагічным комплексе «Дзешчанскі дзіцячы сад — сярэдняя школа» Уздзенскага раёна працуе адзіны ў краіне музей бульбы. А ў перспектыве тут з'явіцца і першы ў Беларусі помнік бульбе. Аказаць садзейнічанне гэтай справе паабяцаў кіраўнік цэнтральнага рэгіёна Аляксандр Турчын падчас наведвання ўстановы адукацыі, паведамляе прэс-служба Мінаблвыканкама.


— Гісторыя нашага музея пачалася дзесяць гадоў таму, — расказвае дырэктар Наталля Чаркас. — Мы доўга думалі, чаму б прысвяціць экспазіцыю. Да ідэі падштурхнуў той факт, што мясцовае сельгаспрадпрыемства — эксперыментальная база імя Суворава — займаецца вытворчасцю насеннага матэрыялу новых сартоў беларускай селекцыі гэтай культуры. А чаму б бульбе не быць галоўнай гераіняй нашага музея, вырашылі мы і пачалі актыўна збіраць экспанаты. Сёння іх налічваецца 140.

Падчас візіту Аляксандра Турчына ў музеі экскурсаводамі «працавалі» вучні 11 класа Ксенія Зуева і Крысціна Жалюк.

— Штогод у межах работы музея ў нас ладзяцца восеньскія кірмашы, бульба-фэсты і іншыя захапляльныя мерапрыемствы. А аднойчы ўсе класы атрымалі заданне вырабіць з разнастайных матэрыялаў помнік бульбе. Выйшлі дастаткова цікавыя варыянты, — падзяліліся дзяўчаты.

— А чаму б вам не правесці апытанне сярод вучняў, бацькоў, ды і ўсіх жыхароў аграгарадка. Разам і выбераце. А мясцовыя органы ўлады тады ўжо дапамогуць зрабіць помнік і ўладкаваць яго, — прапанаваў губернатар.

Прэв’ю: biz.liga.net

Выбар рэдакцыі

Культура

Як знік працяг рамана Янкі Нёманскага «Драпежнікі», прысвечанага лёсу рабочых шклозавода

Як знік працяг рамана Янкі Нёманскага «Драпежнікі», прысвечанага лёсу рабочых шклозавода

Беларускі акадэмік працаваў грузчыкам у порце і падарыў Мінску трамвай.

Грамадства

Бяздзетныя па ўласным жаданні. ​Ці ва ўсім яны не маюць рацыі?

Бяздзетныя па ўласным жаданні. ​Ці ва ўсім яны не маюць рацыі?

Даслоўна англійскае слова «чайлдфры» перакладаецца як «свабодныя ад дзяцей». 

Грамадства

Карэспандэнты «Звязды» даведалiся, як працуюць ратавальнiкi-кiнолагi

Карэспандэнты «Звязды» даведалiся, як працуюць ратавальнiкi-кiнолагi

У Беларусi прайшлi спартыўныя спаборнiцтвы па службовым шматбор'i кiнолагаў.

Грамадства

Спрабуем «выглядаць на мiльён» танна

Спрабуем «выглядаць на мiльён» танна

Парады ад Аляксандры Анцэлевіч.