Вы тут

Заправіць бясплатна, але з дапамогай тэставай карты


З наступнага панядзелка зарадзіць электрамабіль на ўсіх 267 ЭЗС сеткі Malanka можна будзе толькі з дапамогай мабільнай праграмы, але па-ранейшаму бясплатна. Аб гэтым карэспандэнту «Звязды» паведаміла медыядырэктар PR-студыі Sette Кацярына Сычук.


malankabn.by

Каб скарыстацца паслугай, усім уладальнікам электракараў неабходна не толькі спампаваць праграму ў Apple Store і Play Market і зарэгістравацца ў ім, але таксама ўвесці наступныя дадзеныя тэставай плацежнай карты: нумар карты, імя і прозвішча, тэрмін дзеяння і CVC.

Цяпер зарадзіць электрамабіль на большасці станцый можна непасрэдна скарыстаўшыся пісталетам і націснуўшы кнопку «Пуск». З 21 верасня ЭЗС сеткі Malanka будуць працаваць па-новаму, толькі праз праграму. Працэс пераводу на новы рэжым ЭЗС праходзіць у два этапы: 15—16 верасня ён здзяйсняецца ў рэгіёнах, з 16 па 21 верасня — у Мінску.

У кампаніі тлумачаць, што гэта трэба для таго, каб пратэсціраваць працу ЭЗС, мабільнай праграмы, сістэмы аплаты і пазбегнуць магчымых цяжкасцяў у кіроўцаў, калі зарадка будзе аплачвацца ўжо з асабістай банкаўскай карткі ўладальніка электракара.

Кацярына Сычук таксама адзначыла, што ў перыяд дзеяння тэставай карты кіроўцы электракараў будуць атрымліваць абвесткі на свае мабільныя прылады аб тым, што зарад пачаўся, колькі кілават на гэты момант зараджана, якая сума будзе спісаная. У кампаніі мяркуюць, што аплата пры дапамозе толькі мабільнай праграмы дазволіць кіроўцам адаптавацца да новых умоў водпуску зарада, і, калі платныя тарыфы будуць уведзены, гэта дазволіць пазбегнуць памылак у карыстанні ЭЗС.

Калі ў кіроўцаў узнікнуць пытанні аб рабоце праграмы, задаць іх можна будзе ва ўкладцы «Служба падтрымкі», там жа іх можна будзе праілюстраваць фотаздымкамі. Спецыялісты ЭЗС Malanka аператыўна адрэагуюць і дапамогуць вырашыць праблему. Таксама ў любы час сутак можна скарыстацца тэлефонам: +375(33-29-25) 6-431-431 або напісаць на электронную пошту contact@beloіl.by.

На дадзены момант самая распаўсюджаная праблема на ЭЗС — гэта кнопка спынення працэсу зарадкі. Калі кіроўцы націскаюць на кнопку і забываюць яе адціснуць, то ў праграме гэтая станцыя аўтаматычна становіцца недаступнай. Каб гэтага пазбегнуць, у Malanka просяць быць уважлівымі да абсталявання на ЭЗС.

У кампаніі Malanka нагадваюць, што з цягам часу цана 1кВт на станцыях пастаяннага току (хуткія ЭЗС) складзе 39 капеек, на станцыях пераменнага току (павольныя) — 29 капеек. Разам з тым такія станцыі будуць адпускаць электраэнергію для зараду па сесіях — гэта значыць да неабходнага ўзроўню зарадкі. На павольных ЭЗС цана адной сесіі складзе 5,46 рубля, на хуткіх — 7,34 рубля незалежна ад колькасці адпушчаных кВт/г. Паралельнае існаванне двух варыянтаў аплаты ўвядуць, каб вызначыць, які з іх будзе больш папулярны сярод спажыўцоў, і ў выніку пакінуць самы зручны варыянт.

Сяргей КУРКАЧ

Выбар рэдакцыі

Культура

Франтавiк Мiхаiл Чэпiк эксперыментаваў з аэражывапiсам

Франтавiк Мiхаiл Чэпiк эксперыментаваў з аэражывапiсам

Як хлапчук з беларускай глыбiнкi здолеў паступiць у Маскоўскае мастацкае вучылiшча iмя Калiнiна?

Грамадства

Экс вiцэ-прэм'ер Уладзiмiр Дражын: Галоўнае — не разбурыць, а захаваць i працягнуць работу

Экс вiцэ-прэм'ер Уладзiмiр Дражын: Галоўнае — не разбурыць, а захаваць i працягнуць работу

Аб альтэрнатыве клайпедскаму порту, рэканструкцыi Нясвiжскага палаца i роднай мове падчас сямейных сустрэч.

Грамадства

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Чацвёртая педагагічная неканферэнцыя прайшла ў мінулыя выхадныя з нязменным аншлагам і сабрала больш як тры сотні педагогаў з розных куткоў нашай краіны.