Вы тут

Большая частка паломнікаў-хасідаў пакінула нейтральную паласу на граніцы з Украінай і адправілася ў Беларусь


Большая частка паломнікаў-хасідаў пакінула нейтральную паласу на граніцы з Украінай і адправілася ў Беларусь, паведаміў БЕЛТА афіцыйны прадстаўнік Гомельскай пагранічнай групы Аляксей Дзюбянкоў.


Рух пачаўся мінулай ноччу. Хасіды вярталіся невялікімі групамі па 5-6 чалавек. Асноўны паток у напрамку Беларусі прайшоў сёння з 6.00 да 10.00. Больш за 700 чалавек прайшлі ўсе віды кантролю. У першую чаргу пакінулі нейтральную паласу жанчыны з груднымі дзецьмі.

«Стоўпатварэння ў пункце пропуску «Новая Гута» няма. З нашага боку зроблена ўсё магчымае, каб аператыўна выканаць сваю задачу. Мы дабавілі людзей, каб у самы кароткі час аформіць усіх жадаючых вярнуцца», — расказаў афіцыйны прадстаўнік.

Паводле слоў Аляксея Дзюбянкова, на гэты момант на нейтральнай паласе застаецца амаль 200 чалавек, сярод якіх некалькі дзяцей. Некаторыя з іх збіраюць рэчы і накіроўваюцца да беларускага пункта пропуску.

Як паведамлялася раней, на нейтральнай паласе паміж Беларуссю і Украінай знаходзіцца больш за 1 тыс. паломнікаў-хасідаў, якія накіроўваліся на магілу цадзіка Нахмана ў горад Умань (Украіна). Пропуск праз «Новыя Ярылавічы» да 27 верасня спынены, аднак яўрэі заставаліся каля ўкраінскай граніцы ў надзеі дабрацца да месца прызначэння, дзе планавалі адзначыць Новы год па нацыянальным календары.

Украінскі пункт пропуску не змяніў рэжым, таму большасць паломнікаў вырашыла вярнуцца.

Прэв’ю: БЕЛТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».