Вы тут

СААЗ: У барацьбе з пандэміяй трэба перайсці ад строгіх абмежаванняў да пошуку новых рашэнняў


СOVID-19 зноў на ўздыме ў Еўропе, і краінам трэба вырашыць, якія меры прыняць, каб спыніць другую хвалю пандэміі. На думку дырэктара Еўрапейскага рэгіянальнага бюро СААЗ Ханса Клюге, на гэты раз нам не трэба «вынаходзіць веласіпед» — мы ўжо ведаем, што дае вынікі, а што не. У той жа час людзі стаміліся ад пандэміі, і сёння трэба быць гібкімі і перайсці ад строгіх забарон і абмежаванняў да пошуку новых рашэнняў, паведамляе Цэнтр навін ААН.


На прэс-канферэнцыі ў Жэневе Ханс Клюге паведаміў, што тыднёвая колькасць новых выпадкаў заражэння СOVID-19 у Еўропе перавысіла паказчыкі сакавіка гэтага года, калі адзначаўся першы пік пандэміі. У палавіне краін рэгіёна за апошнія два тыдні колькасць інфіцыраваных павялічылася больш як на 10 працэнтаў, а ў сямі краінах гэты паказчык падвоіўся. «Вясной і ў пачатку лета мы ўбачылі вынік строгіх каранцінных мер. Нашы намаганні, нашы ахвяры былі не дарэмнымі — у чэрвені была зарэгістравана самая нізкая колькасць новых выпадкаў, — нагадаў Ганс Клюге. — Але вераснёвыя лічбы сталі для ўсіх нас сігналам трывогі».

Клюге прызнаў, што ў нейкай ступені гэтыя паказчыкі адлюстроўваюць пашырэнне маштабаў тэсціравання, але яны таксама сведчаць аб выклікаючым трывогу ўзроўні перадачы віруса ў Еўропе. У першы тыдзень верасня рост новых выпадкаў назіраўся ў групе людзей старэйшага ўзросту — ад 50 да 79 гадоў, найбольшая доля заражаных — гэта людзі ад 25 да 49 гадоў.

«У які бок паверне пандэмія цяпер, залежыць ад нас. Нам ужо ўдалося аднойчы даць ёй адпор, мы можам зрабіць гэта зноў», — падкрэсліў Ханс Клюге. Ён выступіў за тое, каб краіны рэгіёна прымалі рашэнні на аснове зменлівай сітуацыі і эпідэміялагічных даных. А тое, што гэта магчыма, даказала адкрыццё школ, якому папярэднічала жнівеньская еўрапейская канферэнцыя — яе вынікам стала публікацыя рэкамендацый аб рабоце школ ва ўмовах пандэміі.

Ханс Клюге таксама адзначыў, што сёння мы ўжо ведаем, якія меры эфектыўныя, а якія — не, таму мы можам не траціць час на тое, што не спрацоўвае. «І мы павінны пастаянна абнаўляць свае веды па меры з’яўлення новых даных», — сказаў ён і ў якасці прыкладу прывёў каранцін як краевугольны камень барацьбы з COVID-19. Клюге нагадаў, што двухтыднёвы каранцін — гэта перыяд, калі інфіцыраваны чалавек, які не мае сімптомаў, можа быць заразным для тых, хто побач. «Разумеючы, якія сур’ёзныя наступствы — і для асобных людзей, і для ўсяго грамадства — можа мець нават нязначнае скарачэнне каранціннага перыяду, а таксама зыходзячы з прыведзеных лічбаў, я рэкамендую краінам рэгіёна прымаць рашэнні аб скарачэнні каранціну прадумана, належным чынам пракансультаваўшыся з вучонымі і экспертамі, — заклікаў Ханс Клюге. — Нельга адмаўляцца ад каранціну, але яго канцэпцыю трэба пастаянна адаптаваць да абставін і дакладна, недвухсэнсоўна тлумачыць людзям».

Паводле апошніх даных, агульная колькасць заражаных COVID-19 у свеце перавысіла 30 млн, з моманту ўспышкі памерлі 942 тыс. чалавек. У Еўропе колькасць інфіцыраваных COVID-19 складае 4,345 млн.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.