Вы тут

Ніву дажаць ды песні паспяваць


Актывісты суполкі “Голас Радзімы” паўдзельнічалі ў здымках тэлесюжэта, прысвечанага беларускім народным традыцыям


Дажыначнае святочнае застолле ў Мікалаеве. Фота Ірыны Русінай

Кіраўніца суполкі Таццяна Дзяменнікава прыехала з украінскага замежжа да мамы як заўсёды ўвосень, бульбу капаць. Родная вёска яе — гэта Сіманавічы, што ў Глускім раёне Магілёўшчыны. У рэдакцыю патэлефанавала ды расказала, як суполка паўдзельнічала напрыканцы жніўня ў здымках фільма. Папрасілі, казала, тэлевізійшчыкі мясцовыя перадаць атмасферу беларускіх Дажынак, паказаць, як працуюць жнейкі талакою ды разам адпачываюць. Заадно й песні беларускія паспяваць.

У нэце мы адшукалі фотарэпартаж з тых здымак. Паколькі ж ніву сапраўдную было, відаць, няпроста знайсці пад Мікалаевам для натурных здымак, давялося беларускам у прыгожых нацыянальных строях жаць… высокую траву. Фільм расказвае, як жнейкі ў апошні дзень жніва ладзяць свята. Як з песнямі на ніву йдуць, і з песнямі ж працуюць. Пры тым самая паважаная жанчына, размеркаваўшы ўсіх па ніве, першай пачынае жніво: у такой ролі выступіла Валянціна Джупіна.

Быў на здымачнай пляцоўцы й прыгожы дажыначны Сноп-гаспадар, у які паводле даўняй традыцыі кожная са жнеек давала сваю жменю зжатай збажыны. Той сноп, мы ведаем, неслі потым з песнямі праз вёску ды перадавалі гаспадарам нівы: у мікалаеўскім тэлефільме іх ролі выконваюць Таццяна Бусько ды Ігар Цітоўскі. Дажыначны сноп займаў ганаровае месца ля снапа зажыначнага — у чырвоным куце, пад абразамі ў хаце гаспадароў. Яны ж аддзячвалі жнейкам, дружнай талацэ за працу, давалі пачастункі — пачыналася застолле з танцамі й песнямі.

Прыкладна па такой сцэнарнай схеме й здымаўся фільм. У ім упершыню на прыродзе прагучала знакамітая беларуская песня “Касіў Ясь канюшыну”, якая ёсць у рэпертуары ансамбля “Родныя напевы”, што дзейнічае пры суполцы “Голас Радзімы”. Гучала яшчэ песня “Цячэ вада ў ярок”, а юная Юлія Паўлюк з прыгожай самападтанцоўкай выканала песню “Дзяўчынка-беларусачка”.

Іван Ждановіч

Нумар у фармаце PDF

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.