Вы тут

Бiл Гейтс спрагназаваў завяршэнне пандэмii ў 2022 годзе


Аб гэтым заснавальнiк Microsoft заявiў у iнтэрв'ю тэлеканалу Fox News.


«Канец эпiдэмii ў лепшым выпадку наступiць, верагодна, у 2022 годзе. Але на працягу 2021-га мы зможам знiзiць паказчыкi распаўсюджвання вiруса, калi падыдзем да мер барацьбы глабальна. Дзякуй богу, тэхналогiя вакцыны ўжо ёсць, падаспела фiнансаванне, кампанii падключылi да работы найлепшых спецыялiстаў. Таму я аптымiстычна мяркую, што гэта не будзе доўжыцца вечна», — сказаў Бiл Гейтс.

Злучаныя Штаты, на думку заснавальнiка Microsoft, змогуць вярнуцца да нармальнага жыцця ўжо летам 2021 года,
дзякуючы прагрэсу, дасягнутаму ў сферы распрацоўкi вакцын. Пры гэтым Гейтс заявiў, што расчараваны тым, што ЗША не прыкладаюць намаганняў для вытворчасцi i распаўсюджвання вакцын у больш бедных краiнах.

Заснавальнiк Microsoft неаднаразова крытычна выказваўся наконт iснуючай у краiне палiтыкi па барацьбе з COVID-19. Раней ён назваў пустым марнаваннем часу тэсцiраванне на каранавiрус у ЗША, паколькi вынiкаў даводзiцца чакаць занадта доўга. Таксама ён крытыкаваў «гонку за вакцынай», што зладзiлi розныя краiны.

Гейтс адзначыў, што гэта можа прывесцi да з'яўлення на рынку прэпаратаў, якiя не прайшлi неабходных выпрабаванняў. Па яго ацэнцы, узровень вакцынацыi ў свеце падчас пандэмii знiзiўся на 14 працэнтаў i знiшчыў прагрэс, якi дасягаўся папярэднiя 20 гадоў.

Як адзначае Fox News, сума ў 650 мiльёнаў долараў, ахвяраваная фондам Бiла Гейтса на барацьбу з COVID-19, стала рэкорднай для ўсiх падобных арганiзацый.

Прэв’ю: iz.ru

Выбар рэдакцыі

Грамадства

Дарогі Беларусі ацэняць у зорках. ​Сістэма дапамогі кіроўцу, «штучны зрок» і нулявыя выкіды СО2

Дарогі Беларусі ацэняць у зорках. ​Сістэма дапамогі кіроўцу, «штучны зрок» і нулявыя выкіды СО2

Незалежны інстытут аўдытараў дарожнай бяспекі будзе створаны ў Беларусі.

Культура

Прывіды беларускіх муроў. Балі ў разбураным замку

Прывіды беларускіх муроў. Балі ў разбураным замку

Бона Сфорца не была ў Белым Ковелі, але танцуе там у выглядзе прывіду.