Вы тут

NASA зацвердзіла абноўлены план месяцовай праграмы Artemis


Нацыянальнае ўпраўленне ЗША па аэранаўтыцы і даследаванню касмічнай прасторы (NASA) прадставіла абноўлены план сваёй месяцовай праграмы Artemis, першы этап якой (Artemis 1) зараз намечаны на 2021 год, а другі (Artemis 2) — на 2023 год. Пра гэта паведаміў кіраўнік ведамства Джэймс Брайдэнстайн, піша ТАСС.


Сама высадка на Месяц, якая лічыцца трэцім этапам місіі (Artemis 3), павінна адбыцца, як і планавалася раней, у 2024 годзе. «Усе элементы, якія нам патрэбныя для паспяховай высадкі на Месяц у 2024 годзе, знаходзяцца ў працэсе рэалізацыі, і мы хутка рухаемся да дасягнення гэтай мэты», — падкрэсліў Брайдэнстайн.

Artemis 1 прадугледжвае беспілотны палёт усталяванага на ракету SLS (Space Launch System) карабля Orion вакол Месяца і яго вяртанне на Зямлю. Другі этап (Artemis 2) — аблёт натуральнага спадарожніка Зямлі з экіпажам на борце.

Першапачаткова першы этап праграмы быў намечаны на канец 2020 года, а другі — на 2022 год, аднак памочнік намесніка дырэктара NASA Том Уітмаер у сярэдзіне мая інфармаваў, што пачатак рэалізацыі Artemis 1 будзе перанесены на канец 2021 года ў сувязі з затрымкамі пры стварэнні ракеты-носьбіта SLS з-за распаўсюджвання каранавіруса.

Прэв’ю: ixbt.com

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.