У лясным масіве паблізу вёскі Цяпы Шчучынскага раёна ліквідаваны міні-завод па вырабе самагону, паведамляе МУС.
Непасрэдна падчас прыгатавання напою быў затрыманы 43-гадовы самагоншчык. Канфіскавана 120 літраў самагонкі і 650 літраў брагі.
Мужчына пражывае ў Свіслацкім раёне, а вытворчасць самагону арганізаваў у Шчучынскім рэгіёне з мэтай канспірацыі сваёй дзейнасці.
Ён заявіў, што атрыманы напой меў намер выкарыстаць выключна ў асабістых мэтах.
Неабходна асабліва адзначыць, што мужчына наўрад ці клапаціўся пра якасць прадукту, выкарыстоўваючы дрэнную сыравіну і не выконваючы простыя санітарныя правілы.
Самагон і самагонны апарат канфіскаваныя, брага знішчана. Праводзіцца праверка.
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.