Беларуская гандлёва-прамысловая палата 24 верасня адкрывае бізнес-курс «Акадэмія экспарту», які збярэ больш за 70 удзельнікаў, паведамілі БЕЛТА ў БелГПП.
Прадстаўнікі айчынных прадпрыемстваў бясплатна атрымаюць тэарэтычныя веды аб развіцці экспарту і практычныя навыкі ў гэтай сферы.
«У аснове праекта — бізнес-курс „Школа экспарту“, які БелГПП праводзіць з 2018 года для практычнай і метадычнай дапамогі суб’ектам гаспадарання ў рабоце на экспартным напрамку. Яго выпускнікамі за два гады сталі 315 чалавек», — падкрэслілі ў БелГПП.
У 2020 годзе бізнес-курс пераўтвораны ў «Акадэмію экспарту»: пашырана тэматыка адукацыйных праграм. Лектары — вядомыя бізнес-трэнеры, выкладчыкі профільных дысцыплін вядучых ВНУ краіны, беларускія эксперты з багатым практычным вопытам знешнеэканамічнай дзейнасці.
У адкрыцці «Акадэміі экспарту» прымуць удзел старшыня БелГПП Уладзімір Улаховіч, намеснік дырэктара Дэпартамента знешнеэканамічнай дзейнасці — начальнік упраўлення каардынацыі знешнеэканамічнай дзейнасці Міністэрства замежных спраў Павел Узяткін, кіраўнікі структурных падраздзяленняў БелГПП.
Прэв’ю: business.ru
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
