Вы тут

У Беларусi зараджаецца адзiн з самых грандыёзных касмiчных праектаў


У Беларусi зараджаецца адзiн з самых грандыёзных касмiчных праектаў. Такi вывад можна зрабiць па вынiках III Мiжнароднай навукова-практычнай канферэнцыi «Безракетная iндустрыялiзацыя блiзкага космасу: праблемы, iдэi, праекты», якая прайшла ў Мар'iнай Горцы.


Вялiкую цiкавасць да мерапрыемства праявiлi навукоўцы, даследчыкi i вынаходнiкi з Нацыянальнай акадэмii навук Беларусi, вядучых ВНУ нашай краiны, Расii i Украiны, Iнстытута касмiчных даследаванняў i тэхналогiй (Балгарыя), Ягелонскага ўнiверсiтэта (Польшча), МТРIЗ Акадэмii (Германiя), XAMK (Фiнляндыя), RMIT University (В'етнам), Амерыканскага ўнiверсiтэта ў ААЭ, профiльнай Камiсii ААН, а таксама з Эстонii, Iталii, Iндыi, Вялiкабрытанii, iншых краiн.

Арганiзатар канферэнцыi — мiжнародны некамерцыйны фонд EcoSpace, кампанii-партнёры — ТАА «Астраiнжынерныя тэхналогii», ЗАТ «Струнныя тэхналогii», СФГ Юнiцкага.

Былi абагульнены вынiкi навуковых работ, якiя ажыццяўляюцца ў свеце па вырашэннi глабальных, у тым лiку экалагiчных, праблем сучаснасцi геакасмiчнымi сродкамi, а таксама па сацыяльных, эканамiчных, прававых аспектах рэалiзацыi праграмы безракетнай iндустрыялiзацыi блiзкага космасу; перспектывах iнжынерна-тэхналагiчнага асваення космасу ў рамках праграмы «ЭкаСвет»; асаблiвасцях арганiзацыi шырокамаштабных груза-пасажырскiх патокаў па маршруце Зямля—Блiзкi космас—Зямля.

Гаварылася аб прынцыпах стварэння, канструявання, тэорыi i разлiку транспартна-iнфраструктурнага геакасмiчнага комплексу — агульнапланетарнага транспартнага сродку Юнiцкага (АТС); асаблiвасцях праектавання, пошуку рашэнняў бiялагiчнага i экалагiчнага характару для забеспячэння ўстойлiвага функцыянавання замкнутай лакальнай экасiстэмы i захавання бiяразнастайнасцi на планеце Зямля, асваення тэрыторый з неспрыяльнымi ўмовамi для жыцця чалавека, а таксама для стварэння маштабнай мадэлi будучага чалавечага паселiшча ў касмiчнай прасторы — жылога касмiчнага кластара «ЭкаКасмаДом» (ЭКД); асаблiвасцях стварэння экватарыяльнага лiнейнага горада ў якасцi неад'емнага кампанента сеткi струнных дарог TransNet, а таксама наземнай iнфраструктуры АТС i яго ўзлётна-пасадачнай эстакады.

Па вынiках канферэнцыi арганiзацыйным камiтэтам i ўдзельнiкамi прыняты шэраг важных рашэнняў. У прыватнасцi, адзначана надзвычай высокая важнасць далейшага развiцця тэмы шырокамаштабнага асваення блiзкага космасу i перазагрузкi зямной iндустрыi на касмiчны вектар развiцця.

Падкрэслена значнасць геакасмiчнага праекта планетарнага маштабу — АТС — як адзiна магчымага з iнжынернага пункту гледжання транспартна-лагiстычнага рашэння па iндустрыяльным асваеннi блiзкага космасу i рэалiзацыi праграмы «ЭкаСвет». Адзначаны першараднае значэнне i вiдавочная актуальнасць развiцця супрацоўнiцтва памiж краiнамi свету з мэтай рэалiзацыi праграм «ЭкаСвет» i SpaceWay.

Уладзімір ПАЎЛАЎ

Прэв’ю: spacenews.com

Загаловак у газеце: Зямля — для жыцця, космас — для iндустрыi

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.