Вы тут

Штомесячныя анлайн-кансультацыі па дзяржзакупках стануць даступнымі для ўсіх жадаючых


Штомесячныя анлайн-кансультацыі па дзяржзакупках стануць даступнымі для ўсіх жадаючых, паведамілі БЕЛТА ў прэс-службе Нацыянальнага цэнтра маркетынгу МЗС Беларусі.


«Нацыянальны цэнтр маркетынгу МЗС Беларусі аказвае сістэмную падтрымку ўдзельнікам працэдур па пытаннях дзяржаўных закупак, у тым ліку на базе ўласнага адукацыйнага цэнтра, які запускае серыю штомесячных адкрытых анлайн-кансультацый. Удзел у такім вэбінары змогуць прыняць усе жадаючыя», — адзначылі ў прэс-службе.

Як удакладнілі спецыялісты, адкрытая анлайн-кансультацыя — гэта новы фармат стасункаў для падтрымкі больш шырокага сегмента як цяперашніх, так і патэнцыяльных удзельнікаў дзяржзакупак, уключаючы таксама тыя прадпрыемствы, якія ў бягучы момант не могуць правесці павышэнне кваліфікацыі сваіх спецыялістаў платна. Удзельнікі вэбінара могуць атрымаць адказы на любыя пытанні, якія датычацца працэдур правядзення дзяржзакупак згодна з нормамі закона «Аб дзяржаўных закупках тавараў (работ, паслуг)». Задаць пытанні можна ў час кансультацыі або накіраваўшы іх загадзя праз форму зваротнай сувязі.

Плануецца, што адкрытыя вэбінары дадуць магчымасць усім зацікаўленым аператыўна атрымліваць прафесійныя кансультацыі ў галіне дзяржзакупак, а таксама адносна работы на электроннай гандлёвай пляцоўцы.

Пілотная анлайн-кансультацыя адбылася ў жніўні і сабрала больш за 100 удзельнікаў.

Прэв’ю: rg.ru

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.