28 кастрычніка, серада

Вы тут

З пачатку года ў 1,2 разы выраслі перавозкі грузаў па чыгунцы ў зносінах Беларусь — Кітай


Агульны аб’ём перавозак па Беларускай чыгунцы за 8 месяцаў у зносінах з Кітаем вырас на 23,6 працэнта у параўнанні з аналагічным перыядам 2019 года і склаў больш за 4 мільёны тон. Асноўную наменклатуру грузаў склалі ўгнаенні, хімікаты, машыны і абсталяванне, метызы, лясныя грузы, папера і тавары народнага спажывання, паведамляе прэс-цэнтр магістралі.


Развіццё экспартных перавозак і прасоўванне беларускай прадукцыі на знешнія рынкі збыту з’яўляюцца найважнейшымі стратэгічнымі напрамкамі для Беларускай чыгункі. Магістраль у супрацоўніцтве з зацікаўленымі прадпрыемствамі праводзіць сумесную работу па стварэнні неабходных умоў для арганізацыі новых і развіцці існуючых праектаў па дастаўцы ў КНР беларускіх грузаў поўнасастаўнымі кантэйнернымі цягнікамі. Рэалізаваны праекты па адпраўцы цэлюлозы, цукру, нарошчванні аб’ёмаў экспарту піламатэрыялаў, працягу развіцця экспарту мяса-малочнай прадукцыі.

Варта адзначыць, што Беларуская чыгунка забяспечвае своечасовае прасоўванне грузаў у зносінах Кітай — Еўропа — Кітай.

У мэтах павышэння транзітнай прывабнасці і канкурэнтаздольнасці транспартнага калідора Усход — Захад — Усход праз Беларусь у 2019 годзе была завершана мадэрнізацыя кантэйнернага тэрмінала Брэст-Паўночны, у выніку якой выраслі сярэднесутачная перапрацоўчая здольнасць дадзенага комплексу па перагрузілі кантэйнераў і плошчы захоўвання кантэйнераў.

Сяргей РАСОЛЬКА

Прэв’ю: severtrans.ru

Выбар рэдакцыі

Грамадства

Карэспандэнты «Звязды» даведалiся, як працуюць ратавальнiкi-кiнолагi

Карэспандэнты «Звязды» даведалiся, як працуюць ратавальнiкi-кiнолагi

У Беларусi прайшлi спартыўныя спаборнiцтвы па службовым шматбор'i кiнолагаў.

Грамадства

Дарогі Беларусі ацэняць у зорках. ​Сістэма дапамогі кіроўцу, «штучны зрок» і нулявыя выкіды СО2

Дарогі Беларусі ацэняць у зорках. ​Сістэма дапамогі кіроўцу, «штучны зрок» і нулявыя выкіды СО2

Незалежны інстытут аўдытараў дарожнай бяспекі будзе створаны ў Беларусі.

Культура

Прывіды беларускіх муроў. Балі ў разбураным замку

Прывіды беларускіх муроў. Балі ў разбураным замку

Бона Сфорца не была ў Белым Ковелі, але танцуе там у выглядзе прывіду.