Сёлета праезд у метро жэтонамі аплачвалі каля 40% пасажыраў

За студзень - жнівень паслугамі Мінскага метрапалітэна скарысталіся больш за 143 млн пасажыраў, паведамляе minsknews.by

Гэта менш у параўнанні з паказчыкамі за аналагічныя перыяды папярэдніх гадоў. Зменшылася таксама колькасць прададзеных шматразовых праязных квіткоў. У той жа час жэтонамі праезд аплачвалі у гэтым годзе каля 40% пасажыраў, 12% выкарыстоўвалі для гэтага бескантактавыя банкаўскія карткі і мабільныя прылады, якія падтрымліваюць тэхналогію NFC.