Вы тут

Скончыліся вучэнні «Славянскае братэрства-2020»


Прайшоў другi этап вучэнняў «Славянскае братэрства-2020». Ён адбыўся ў форме аператыўна-тактычнага вучэння. Сёлета ў iм бралi ўдзел вайскоўцы з Беларусi i Расii. З нашага боку гэта былi ваеннаслужачыя Заходняга аператыўнага камандавання, Сiл спецыяльных аперацый Узброеных Сiл, Ваенна-паветраных сiл i войскаў супрацьпаветранай абароны, ракетных войскаў i артылерыi. Расiя была прадстаўлена двума злучэннямi паветрана-дэсантных войскаў.


Асноўная накiраванасць вучэння — вядзенне сумесных дзеянняў у iнтарэсах забеспячэння ваеннай бяспекi дзяржавы. На гэтым этапе iмi кiраваў намеснiк мiнiстра абароны Беларусi генерал-маёр Сяргей Патапенка. Усяго было задзейнiчана каля шасцi тысяч вайскоўцаў i звыш за 500 адзiнак баявой тэхнiкi.

Падчас другога этапу вучэнняў адпрацоўвалiся пытаннi кiравання войскамi падчас адбiцця ўзброенай агрэсii ва ўмовах зменлiвай абстаноўкi. Так, зводная беларуска-расiйская тактычная група вызваляла гiдратэхнiчны вузел, захоплены ўмоўным працiўнiкам. Быў высаджаны дэсант, а ўчастак ракi пераадольваўся на баявой тэхнiцы.

Падчас вучэнняў была задзейнiчана i авiяцыя. Аб яе працы расказаў камандуючы Ваенна-паветранымi сiламi i войскамi супрацьпаветранай абароны Узброеных Сiл Беларусi генерал-маёр Iгар Голуб:

— Адпрацаваны шэраг задач, якiя выконвалi дзяжурныя сiлы па супрацьпаветранай абароне Ваенна-паветраных сiл сумесна з нашымi расiйскiмi калегамi. Таксама здзейснены авiяцыйныя ўдары з мэтай лiквiдацыi незаконных узброеных фармiраванняў умоўнага працiўнiка. Суправаджалiся i самалёты транспартнай авiяцыi, якiя высаджвалi дэсант у зададзеным раёне.

Падчас вучэнняў былi задзейнiчаны некалькi палiгонаў, у тым лiку «Ружаны», «Брэсцкi», «Гожскi», «Абуз-Лясноўскi». За адным з эпiзодаў другога этапу вучэнняў назiралi акрэдытаваныя пры Мiнiстэрстве абароны замежныя ваенныя дыпламаты.

— На палiгоне «Брэсцкi» замежным прадстаўнiкам быў дадзены брыфiнг, — адзначылi ў Мiнiстэрстве абароны. — Ён змяшчаў падрабязную iнфармацыю аб сумесным вучэннi, якое праходзiць на тэрыторыi Рэспублiкi Беларусь з 22 да 25 верасня. Ваенныя дыпламаты змаглi назiраць за дзеяннямi войскаў, работай дэсанта, захопам i ўтрыманнем плацдарма для забеспячэння контрнаступлення з мэтай аднаўлення першапачатковага становiшча, а таксама авiяцыйнай падтрымкай. Пры гэтым трэба адзначыць, што яшчэ 21 верасня Беларусь накiравала дзяржавам — удзельнiцам АБСЕ iнфармацыю пра вучэнне «Славянскае братэрства — 2020», нягледзячы на тое што па яго параметрах рабiць гэта было неабавязкова. Звесткi былi абвешчаны ў якасцi жэсту добрай волi ў iнтарэсах забеспячэння транспарэнтнасцi ваеннай дзейнасцi, якая ажыццяўляецца на тэрыторыi нашай дзяржавы.

Валяр'ян ШКЛЕННIК

Фота БелТА

Загаловак у газеце: Адбiць атаку разам

Выбар рэдакцыі

Палітыка

Крызіс на мяжы. Уся аператыўная інфармацыя на сераду (абнаўляецца)

Крызіс на мяжы. Уся аператыўная інфармацыя на сераду (абнаўляецца)

Аператыўная інфармацыя з беларуска-польскай мяжы.

Культура

Чаму на захадзе Беларусі «праклятыя салдаты» і сёння ўзгадваюцца з жахам?

Чаму на захадзе Беларусі «праклятыя салдаты» і сёння ўзгадваюцца з жахам?

Тэма антысавецкага падполля падчас ВАВ — складаная тэма ў гісторыі.

Грамадства

Новы каранавірус. Што вядома пра штам «Амікрон»

Новы каранавірус. Што вядома пра штам «Амікрон»

 Яго знайшлі ў краінах Паўднёвай Афрыкі, у прыватнасці, у ПАР і Батсване.

Палітыка

Крызіс на мяжы. Уся аператыўная інфармацыя на аўторак

Крызіс на мяжы. Уся аператыўная інфармацыя на аўторак

Аператыўная інфармацыя з беларуска-польскай мяжы.