Па дадзеных аддзялення інфармацыі і грамадскіх сувязяў УУС Гродзенскага аблвыканкама з 9 жніўня па 25 верасня на тэрыторыі вобласці ўзбуджана 67 крымінальных спраў, па 23 крымінальных справах устаноўлены 52 падазраваныя асобы, звязаныя з пратэстнай дзейнасцю.
Тры крымінальныя справы заведзены за арганізацыю і актыўны ўдзел у масавых беспарадках. Устаноўлены падазраваныя па гэтых справах — усяго 31 грамадзянін, з іх 18 — у Лідзе, 13 — у Гродне. Штодзень устанаўліваюцца асобы, якія раней прымалі ўдзел у несанкцыянаваных масавых мерапрыемствах. На дадзены момант ідэнтыфікавана каля 500 чалавек. Усе яны будуць прыцягнуты да адказнасці ў адпаведнасці з законам.
Таксама заведзена 33 крымінальныя справы па фактам паклёпаў, абразаў і прымяненні гвалту ў адносінах да супрацоўнікаў АУС і членаў іх сем’яў. Гэтым дзеянням будзе дадзена прававая ацэнка. паведамляе служба інфармацыі УУС Гродзенскай вобласці. Праваахоўнікі папярэджваюць, што ўдзел у несанкцыянаваных масавых мерапрыемствах цягне за сабой адміністрацыйную альбо крымінальную адказнасць. Па фактам парушэння закона будзе прымацца ўвесь комплекс адпаведных мераў.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.