Снег з гарадскіх вуліц, які будзе зімой, вывязуць на дзевяць палігонаў для часовага захоўвання. Такія дадзеныя прывёў на нядаўнім пасяджэнні працоўнай групы па пытаннях добраўпарадкавання і ўтрымання гарадскіх тэрыторый намеснік генеральнага дырэктара ДВА «Гаррамаўтадар Мінгарвыканкама» Уладзімір Латушкін, паведаміла агенцтва «Мінск-Навіны».
— Апроч палігонаў будуць выкарыстоўвацца магутнасці снегаплавільнага пункта, звазіць снег на які будуць з чатырох раёнаў Мінска, — удакладніў Уладзімір Латушкін.
У зімовай ўборцы вуліц штосутачна будуць задзейнічаны да 760 адзінак спецтэхнікі і 800 прыбіральшчыкаў тэрыторый. Зараз на прадпрыемствах, якія ўваходзяць у склад «Гаррамаўтадара», ідзе рамонт навяснога абсталявання. Завяршыць яго намечана да 30 верасня, пераабсталяванне спецтэхнікі будзе выканана да 7 лістапада.
— Заключаны дагаворы з 32 арганізацыямі аб прадастаўленні для зімовай уборкі вуліц у выпадку неабходнасці 243 адзінак дадатковай тэхнікі, пераважна самазвалаў для вывазу снегу, — сказаў намеснік гендырэктара.
Ён таксама дадаў, што працягваецца замена металічных скрынь для процігалалёдных матэрыялаў на пластыкавыя. Закуплена 1 438 ёмістасцяў, усяго ж неабходна замяніць 1 837 адзінак.
Праводзіцца і бягучы рамонт вулічна-дарожнай сеткі, без якога бяспека дарожнага руху зімой немагчымая.
— Трэба арганізаваць працу ў выходныя дні, каб паспець выканаць бягучы рамонт вулічна-дарожнай сеткі да халадоў, — даручыў намеснік старшыні Мінгарвыканкама Аляксандр Дараховіч.
Прэв’ю: МН
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.