Вы тут

Рапота прапануе з улікам запуску БелАЭС прапрацаваць у СД буйныя энергаёмістыя праекты


Дзяржаўны сакратар Саюзнай дзяржавы Рыгор Рапота лічыць неабходным з улікам запуску Беларускай АЭС прапрацаваць у Саюзнай дзяржаве стварэнне буйных энергаёмістых праектаў. Аб гэтым ён заявіў на VII Форуме рэгіёнаў Беларусі і Расіі ў час секцыі «Сумесныя праекты як фактар стабільнага эканамічнага развіцця Беларусі і Расіі», перадае БЕЛТА.


«Да ліку маштабных энергетычных праектаў у першую чаргу належыць Беларуская АЭС. Да выхаду на запланаваную магутнасць неабходна пачаць прапрацоўку буйных энергаёмістых праектаў. Да іх ліку можна аднесці сумесныя праекты, арыентаваныя на энергаёмістыя вытворчасці, — металургія, шкляная вытворчасць, нафтахімія, вытворчасць электратранспарту, камплектуючых і сілавых агрэгатаў», — адзначыў Рыгор Рапота. Паводле яго слоў, вытворчыя магутнасці для выпуску такой прадукцыі ёсць у Іжэўску, Ніжнім Ноўгарадзе і Мінску.

Значныя перспектывы дзяржсакратар СД бачыць у праекце будаўніцтва высакаскораснай магістралі Санкт-Пецярбург — Мінск — Варшава — Гамбург працягласцю амаль 2,5 тыс. км. Пастаянны камітэт Саюзнай дзяржавы ўзяў гэту ідэю ў прапрацоўку, была распрацавана бізнес-мадэль, праведзены кансультацыі ў чатырох дзяржавах, па тэрыторыі якіх можа прайсці магістраль. «Усюды адносіны да гэтага праекта станоўчыя. Калі ён будзе рэалізаваны, то стане буйнейшым праектам высакаскораснай магістралі на еўрапейскім кантыненце», — падкрэсліў Рыгор Рапота.

Паводле яго слоў, да праекта выказалі вялікі інтарэс банкаўскія і фінансавыя структуры. «Мы прапанавалі мадэль прыватна-дзяржаўнага партнёрства ў асноўным з апорай на прыватныя фінансы, — растлумачыў ён. — З Санкт-Пецярбурга ў Мінск поезд цяпер ідзе 13-14 гадзін, нам трэба ўжо пераходзіць на новы тэхналагічны ўзровень, прычым адразу на самы высокі. Цяпер праект прапрацоўваецца на ўзроўні ўрадаў. Хочацца верыць, што з падтрымкай заканадаўцаў ён рана ці позна можа быць рэалізаваны».

Яшчэ адзін транснацыянальны праект — аўтастрада «Мерыдыян», якая пройдзе з Кітая праз Казахстан і РФ у Беларусь і далей у Еўропу.

Прадаўжаецца работа па адмене роўмінгу ў СД. «Міністэрствы сувязі на сваім апошнім сумесным пасяджэнні абяцалі да 1 кастрычніка прынцыпова ўжо (тэхнічна гэта яшчэ зойме нейкі час) вырашыць гэта пытанне. Работа ідзе даволі інтэнсіўна», — сказаў Рыгор Рапота.

Прэв’ю: vkurier.by

Выбар рэдакцыі

Эканоміка

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Святлодыёды са шматслойнымі нанаплёнкамі, якія мяняюць колер у залежнасці ад часу сутак і падстройваюцца пад біярытм чалавека...

Спорт

Сёлета футбольнаму клубу «Віцебск» спаўняецца 60 гадоў

Сёлета футбольнаму клубу «Віцебск» спаўняецца 60 гадоў

«У юбілейны сезон хацелася сур'ёзна адзначыць дзень нараджэння. Але пандэмія каранавіруса ўнесла свае карэктывы».

Эканоміка

 Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансавыя паслугi адзiн аднаму людзi аказваюць ужо тысячы гадоў.