Фінальны этап рэспубліканскага маладзёжнага інавацыйнага праекта «Стартап-тур. Інтэнсіў для маладых прадпрымальнікаў» адбудзецца ў Маладзёжным бізнес-інкубатары ў сталіцы.
Заяўкі на ўдзел у праекце падалі 170 маладых людзей з розных куткоў Беларусі. У іх ліку — удзельнікі рэспубліканскага маладзёжнага інавацыйнага праекта «100 ідэй для Беларусі», маладыя прадпрымальнікі, распрацоўшчыкі, навучэнцы і студэнты ўстаноў адукацыі.
Падчас праекта арганізатары пазнаёмілі маладых прадпрымальнікаў і інаватараў з разборам кейсаў ад экспертаў з бізнес-абласцей, IT-сферы, навукова-акадэмічнай грамадскасці, кіраўнікоў стартап-каманд, прайшлі анлайн-вебінары на тэмы: «Уводзіны ў стартап-тур. Марафон бізнес-ідэй», «Фінансавае планаванне — залог поспеху», «Што такое lean-падыход у распрацоўцы стартапа і чаму ён важны» , «Прасоўванне і ўпакоўка бізнесу».
Заключным этапам праекта стане workshop з Дар’яй Купінай — кіраўніком аддзела развіцця бізнесу ў Групе кампаній «BelHard», co-founder стартап-лабараторыі (вопыт работы продакт-менэджарам у стартапах з 2014 года). Дзякуючы мерапрыемству ўдзельнікі даведаюцца, як запусціць свой праект, прыцягнуць карыстальнікаў і атрымаць першыя продажы.
Арганізатарам праекта выступае Беларускі рэспубліканскі саюз моладзі пры падтрымцы Міністэрства эканомікі і Міністэрства адукацыі.
Сяргей РАСОЛЬКА
Прэв’ю: mcc.by
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
