01 снежня, аўторак

Вы тут

Сетка электразаправачных станцый перавысіць сёлета адзнаку ў 400 штук


Днямi сетка ЭЗС Malanka падвяла вынiкi дзейнасцi за паўгоддзе i агучыла актуальную статыстыку па колькасцi станцый i электрамабiляў у Беларусi. Эксперты кампанii адзначаюць, што з пачатку лета колькасць электрамабiляў у нас вырасла ў два разы. Калi вясной гаварылася пра тое, што ў нашай краiне больш за 500 электрамабiляў, то, паводле ацэнак «Беларуснафты», у пачатку жнiўня такога транспарту ў краiне стала каля 800 адзiнак.


Цалкам чакана лiдарам па абслугоўваннi электракараў лiчыцца Мiнск, дзе ўжо цяпер дзейнiчае 171 электразапраўка. Характэрна, што да канца года ў сталiцы запланавана ўстаноўка яшчэ 110 хуткiх станцый. Большасць з iх будуць размешчаны ў цэнтры горада, паблiзу гандлёвых, забаўляльных i культурна-спартыўных аб'ектаў. Аднак, у спальных раёнах сталiцы кiроўцы электракараў таксама маюць магчымасць зарадкi.

«Наша галоўная задача — забяспечваць камфорт кiроўцам электрамабiляў зручным размяшчэннем заправачных станцый. Каля гандлёвых i забаўляльных цэнтраў, на паркоўках супермаркетаў, крам мы ўстанаўлiваем хуткiя станцыi. Уладальнiкi электрамабiляў, калi прыязджаюць у гандлёвы цэнтр, могуць падключыць аўто да зараднай станцыi i iсцi па сваiх справах. Калi ўладальнiк вяртаецца, электрамабiль ужо зараджаны. Зручна i камфортна», — растлумачыў намеснiк дырэктара ВА «Беларуснафта» Андрэй Коцiк.

Акрамя колькасцi электразаправачных станцый, у «Беларуснафце» палiчылi, на колькi кiлават зараджаюцца электрамабiлi ў месяц i колькi часу на гэта патрэбна. Як аказалася, у жнiўнi на станцыях Malanka электрамабiлi зарадзiлiся на 80 тысяч кВт•ч, гэта значыць зарадкi, якую атрымалi беларускiя электрамабiлi, а гэта — на 4500 кiламетраў, з запасам хапiла б для паездкi з Мiнска ў Лiсабон.

Калi ж перавесцi сесii зарадкi ў гадзiны, то ў месяц на зарадку ўсiх электрамабiляў пайшло больш за 10 тысяч гадзiн, або 3,5 года.

Што датычыцца колькасцi ЭЗС у абласцях, то тут лiдзiруюць Брэст i Брэсцкая вобласць. Там на гэты год запланавана ўстанавiць 15 новых «зарадак». Да канца года iх колькасць на Брэстчыне вырасце да 34 станцый. На другiм месцы — Гродзенская вобласць, там сёлета плануецца ўзвесцi 11 ЭЗС. Да канца года агульная колькасць станцый складзе 27 штук. Брэсцкi i Гродзенскi напрамкi традыцыйна лiчацца аднымi з самых прывабных у Беларусi, бо маюць турыстычны патэнцыял, i менавiта праз гэтыя вобласцi праходзяць самыя ажыўленыя мiжнародныя трасы.

Сетка заправак Malanka да канца года плануе ўстанавiць яшчэ хуткiя станцыi ва ўсiх абласцях краiны: у Вiцебскай — 2, Гомельскай — 10, Магiлёўскай — 1, Мiнскай — 7 ЭЗС. Такiм чынам, да сённяшнiх 270 станцый ва ўсёй краiне дададуцца яшчэ больш за 150 хуткiх «зарадак». А агульная колькасць ЭЗС перавысiць 400 адзiнак.

У кампанii адзначаюць, што ўпор зроблены менавiта на развiццё хуткiх ЭЗС. Iх устаноўка на буйных аўтамабiльных трасах дазволiць кiроўцам эканомiць час i папаўняць неабходны запас энергii свайго электракара за лiчаныя хвiлiны. Спецыялiстамi электрааўтамабiльнага рынку падлiчана, што ўжо сёння Malanka здольная абслугоўваць да 9000 электракараў штодня.

Сяргей КУРКАЧ

Выбар рэдакцыі

Грамадства

Што мяняецца з 1 снежня

Што мяняецца з 1 снежня

Вырасце памер пенсiй: па ўзросце, за выслугу гадоў, па iнвалiднасцi, з прычыны страты кармiцеля. 

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

Бонусы для альтруiстаў могуць быць прадугледжаны законам аб валанцёрскай дзейнасцi

Бонусы для альтруiстаў могуць быць прадугледжаны законам аб валанцёрскай дзейнасцi

Пра гэтыя i iншыя прапановы ў законапраект аб валанцёрскай дзейнасцi разважалi эксперты падчас круглага стала.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава.