Вы тут

У сталіцы выбралі найлепшага юнкара


 

У Мінскім гарадскім інстытуце развіцця адукацыі адбыўся фінал конкурсу сярод юных журналістаў, які праходзіў у рамках штогадовага фестывалю мастацкай і інтэлектуальнай творчасці «Мой Мінск — мая сталіца — творчасці і таленту крыніца!» Сёлета творчае спаборніцтва, якое, дарэчы, праводзіцца ўжо шэсць гадоў, было прысвечана 75-годдзю Перамогі ў Вялікай Айчыннай вайне. Вучні розных школ сталіцы сустракаліся з ветэранамі, знаходзілі цікавыя гісторыі ваеннага часу, расказвалі невядомыя факты пра помнікі і музеі вайны.


Акрамя галоўнай мэты конкурсу — выхавання ў школьнікаў пачуцця патрыятызму — творчае спаборніцтва дало ім магчымасць паспрабаваць сябе ў прафесіі журналіста. Канкурсанты павінны былі браць інтэрв'ю ў цікавых герояў, а потым прадставіць сваю работу журы. Ацэньвалася і арыгінальнасць тэмы, і якасць публіцыстычнага матэрыялу.

Пераможцам стала вучаніца 10 класа гімназіі № 38 Аляксандра Ванюшына. Школьніца ўзяла інтэрв'ю ў ветэрана Генадзя Уладзіміравіча Юшкевіча. Журы ў складзе выкладчыкаў факультэта журналістыкі БДУ і журналістаў высока ацаніла работу Аляксандры. «Мае бацькі — ваенныя, і мне вельмі блізкая тэма вайны. Таму калі я даведалася пра гэты конкурс, адразу вырашыла ўдзельнічаць. У мяне даўно была мара — пагаварыць з адным з людзей, якім мы зараз абавязаны сваім жыццём і свабодай. З выбарам героя мне дапамог тата, вельмі хацелася знайсці чалавека з незвычайным лёсам. Генадзь Уладзіміравіч з 15 гадоў удзельнічаў у баявых заданнях у складзе дыверсійнай групы. Мне цяпер таксама 15 гадоў, і я не магу нават уявіць сябе на яго месцы. Прызнацца шчыра, хоць пісаць я люблю даўно, але конкурснае інтэрв'ю стала маёй першай работай такога плана. А конкурс мне было важна выйграць дзеля майго героя. Для яго вайна — цэлае жыццё. І ўсведамленне таго, што сучаснаму пакаленню неабыякавая гэтая тэма, было для яго настолькі важнае, што нават апісаць цяжка. Але я пастаралася», — расказала Аляксандра.

Журы высока ацаніла і астатнія работы, дало карысныя парады і запрасіла ўсіх канкурсантаў пасля школы паступаць на факультэт журналістыкі БДУ.

Валерыя СЦЯЦКО

Загаловак у газеце: «Мне блізкая тэма вайны...»

Выбар рэдакцыі

Эканоміка

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Святлодыёды са шматслойнымі нанаплёнкамі, якія мяняюць колер у залежнасці ад часу сутак і падстройваюцца пад біярытм чалавека...

Спорт

Сёлета футбольнаму клубу «Віцебск» спаўняецца 60 гадоў

Сёлета футбольнаму клубу «Віцебск» спаўняецца 60 гадоў

«У юбілейны сезон хацелася сур'ёзна адзначыць дзень нараджэння. Але пандэмія каранавіруса ўнесла свае карэктывы».

Эканоміка

 Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансавыя паслугi адзiн аднаму людзi аказваюць ужо тысячы гадоў.