26 кастрычніка, панядзелак

Вы тут

У форуме «Беларусь — гэта мы» ў Магілёве прынялі ўдзел каля чатырох тысяч маладых людзей


«Вы сабраліся тут, каб адкрыта і прама выказаць сваю грамадзянскую пазіцыю, аб'ядналіся, каб стаць на абарону галоўных дасягненняў такой жа, як вы, маладой і незалежнай краіны, — зачытаў падчас урачыстага адкрыцця форуму зварот ад Прэзідэнта намеснік кіраўніка Адміністрацыі Прэзідэнта Андрэй Кунцэвіч. — Няма нічога даражэй за мір, бяспеку і свабоду, за якія нашы продкі ў розныя гады аддавалі свае жыцці... Вы ўжо ўвайшлі ў гісторыю як пакаленне першай суверэннай беларускай дзяржавы і павінны заставацца ў ёй як патрыёты, якія ў няпросты час з гонарам прайшлі выпрабаванне на трываласць, захавалі вернасць спрадвечным традыцыям і збераглі родны дом — Беларусь».


У іні­цы­я­тыў­ных бы­ла маг­чы­масць вы­ка­зац­ца пад­час ад­кры­та­га дыя­ло­гу.

За некалькі гадзін да адкрыцця мерапрыемства ў Лядовым палацы можна было наведаць своеасаблівую выстаўку дасягненняў моладзі і даведацца пра ўсё, чым яна сёння дыхае. А кірункаў шмат — валанцёрскі, навуковы, будатрадаўскі... Дарэчы, за 9 месяцаў з пачатку года праз студэнцкія будаўнічыя атрады паспелі прайсці 18 тысяч хлопцаў і дзяўчат. Узяць, напрыклад, будатрад «Маладосць» Магілёўскага дзяржаўнага тэхналагічнага ўніверсітэта харчавання — лічыцца, што трапіць у яго вельмі прэстыжна. Летась ён абслугоўваў ІІ Еўрапейскія гульні ў Мінску, сёлета стаў найлепшым на міжнародным вытворчым працоўным праекце «Атлант-2020». «Ветэранамі» ў будатрадаўскім руху становяцца хутка: тры гады адпрацаваў — і ты ўжо загартаваны баец. Чацвёртакурсніца ўніверсітэта харчавання Таццяна Дзенісенка якраз адна з такіх «ветэранаў».

— Студэнцкі будатрадаўскі рух — гэта своеасаблівае брацтва, магчымасць знайсці новых сяброў і набрацца ўражанняў, — кажа яна. — А яшчэ — плённа папрацаваць на добры вынік разам. Гэта вельмі аб'ядноўвае.

У актывістаў маладзёжнага руху была магчымасць выказацца падчас «Адкрытага дыялогу» або накіраваць свае прапановы праз электронную платформу.

— Цікава даведацца, што думае моладзь, чаго ёй не хапае, што магчыма было б змяніць, — разважае першы сакратар Цэнтральнага камітэта БРСМ, член Савета Рэспублікі Нацыянальнага сходу Дзмітрый Варанюк. — Перамены патрэбны, але ўсё павінна ісці праз дыялог, цывілізавана і канструктыўна. Самыя цікавыя прапановы будуць агучаны Прэзідэнту.

— Моладзь сёння выказвае розныя погляды, у тым ліку і палітычныя, іх таксама трэба ўлічваць, — перакананы старшыня маладзёжнага парламента пры Нацыянальным сходзе Рэспублікі Беларусь Ягор Макарэвіч. — Форум дасць магчымасць вызначыцца наконт нашага агульнага будучага. Мы стаім на парозе значных палітычных падзей — Усебеларускага народнага сходу, канстытуцыйнага рэфармавання, — і голас моладзі павінен быць пачуты. Мы прапаноўваем шэраг ініцыятыў па карэкціроўцы Асноўнага Закона, канкрэтныя ініцыятывы па ўцягванні моладзі ў эканоміку, новыя вытворчыя пляцоўкі. Маладзёжныя форумы стануць месцам для дыскусій, дапамогуць скласці павестку будучага, каб краіна магла паспяхова рухацца наперад.

Форум у Магілёве даў старт аналагічным мерапрыемствам па ўсёй краіне.

Нэлі ЗІГУЛЯ

Фота аўтара

Загаловак у газеце: Гаварыць і быць пачутым

Выбар рэдакцыі

Культура

Прывіды беларускіх муроў. Балі ў разбураным замку

Прывіды беларускіх муроў. Балі ў разбураным замку

Бона Сфорца не была ў Белым Ковелі, але танцуе там у выглядзе прывіду.

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне.