Вы тут

Сёння ў Беларусі пачынаецца вакцынаванне добраахвотнікаў ад COVID-19


Сёння ў Беларусі пачынаецца вакцынаванне добраахвотнікаў у рамках правядзення ў краіне падвойнага сляпога рандамізіраванага плацэба-кантраляванага даследавання вакцыны «Спадарожнік V», створанай на платформе адэнавірусных вектараў чалавека, паведамілі ў тэлеграм-канале Міністэрства аховы здароўя.


Як распавёў сёння выконваючы абавязкі міністра аховы здароўя Дзмітрый Піневіч, вакцынацыя праводзіцца ў рамках выканання дамоўленасцяў паміж кіраўнікамі дзяржаў Беларусі і Расіі па правядзенні клінічных выпрабаванняў расійскай вакцыны ад каранавіруса і яе наступнай рэгістрацыі. Фінансаванне гэтага клінічнага даследавання ў Беларусі ажыццяўляе Расійскі фонд прамых інвестыцый. У рамках даследавання 100 чалавек атрымаюць магчымасць вакцынавацца ад каранавіруса прэпаратам, распрацаваным ў Нацыянальным даследчым цэнтры эпідэміялогіі і мікрабіялогіі імя М. Ф. Гамалеі Міністэрства аховы здароўя Расіі.

Наша рэспубліка стала першай краінай, у якой праводзяцца клінічныя даследаванні вакцыны «Спадарожнік V» пасля яе рэгістрацыі ў Расіі.

У рамках падрыхтоўкі да даследавання Міністэрствам аховы здароўя выдадзены дазвол на правядзенне мультіцэнтравога клінічнага выпрабавання лекавага сродку Гам-Кавід-Вак Камбінаваная вектарная вакцына для прафілактыкі каранавіруснай інфекцыі, выкліканай вірусам SARS-CoV-2. Таксама раней экспертная група ўхваліла пратакол даследавання № 04-Гам-Кавід-Вак-2020 РБ. Улічаны пытанні, звязаныя з нацыянальнымі і міжнароднымі патрабаваннямі.

Клінічныя даследаванні пройдуць у васьмі медыцынскіх установах Беларусі, выбраных у якасці даследчых цэнтраў. З іх 6 — паліклінікі горада Мінска: 1-я; 4-я; 5-я; 14-я; 19-я і 28-я.
Ва ўсіх паліклініках арганізатарамі даследавання праведзены маніторынгі, і яны прызнаныя прыдатнымі для ўдзелу ў даследаванні і атрымалі статус даследчых цэнтраў. Ва ўсіх цэнтрах арганізатарам праведзена навучанне спецыялістаў па пратаколе даследавання. Таксама праведзены неабходныя для даследавання пасяджэнні этычных камітэтаў. Дзмітрый Піневіч таксама ўдакладніў, што ўжо больш за 4 тыс беларусаў выказалі жаданне прыняць удзел у вакцынацыі.

Прэв’ю: yandex.com

Выбар рэдакцыі

Эканоміка

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Святлодыёды са шматслойнымі нанаплёнкамі, якія мяняюць колер у залежнасці ад часу сутак і падстройваюцца пад біярытм чалавека...

Спорт

Сёлета футбольнаму клубу «Віцебск» спаўняецца 60 гадоў

Сёлета футбольнаму клубу «Віцебск» спаўняецца 60 гадоў

«У юбілейны сезон хацелася сур'ёзна адзначыць дзень нараджэння. Але пандэмія каранавіруса ўнесла свае карэктывы».

Эканоміка

 Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансавыя паслугi адзiн аднаму людзi аказваюць ужо тысячы гадоў.