У мясцовы РАУС звярнуўся дырэктар Лельчыцкага філіяла Гомельскага аблспажыўсаюза. Ён паведаміў, што невядомы з крамы ў Ельску выкраў 24 бутэлькі гарэлкі па 0,35 літра і 40 бутэлек гарэлкі па 0,2 літра, прычыніўшы шкоду на суму 282 рублі.
Аператыўнікі групы па барацьбе з эканамічнымі злачынствамі знайшлі выкрадальніка. Высветлілася, што ў той дзень у краму прыехаў прадавец. Жанчына сыходзіла ў адпачынак і забірала свае рэчы з працоўнага месца. Акрамя іх яна прыхапіла і дзве скрыні са спіртным. Калі гарэлка на прылаўку скончылася, зменшчыца прадаўца папрасіла яшчэ аднаго работніка прынесці гарачыльнае са склада, а там было пуста.
Па месцы жыхарства 46-гадовай жыхаркі Ельскага раёна знайшлі палову выкрадзенага. Астатняе жанчына паспела прадаць мясцовым маргіналам, паведамляе УУС Гомельскага аблвыканкама.
Заведзена крымінальная справа. Раней жанчына прыцягвалася да крымінальнай адказнасці за прысваенне даручанай ёй маёмасці.
Сяргей РАСОЛЬКА
Фота з сайта УУС Гомельскага аблвыканкама
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
