Вы тут

Што цікавага прапануе гледачам тэлеканал «Беларусь 2»


Кастрычнік распачаўся з прэм'ер як праектных, так і прафесійных.


Так, інтэрактыўны праект «Пін_код», які расце і змяняецца разам са сваёй аўдыторыяй, цяпер мае новую вядучую. Ёю стала Хелена Мерааі, вядомая як спявачка, удзельніца дзіцячага «Еўрабачання-2017» і сувядучая дзіцячага «Еўрабачання-2018». Дзяўчына сёлета скончыла школу і, вырашыўшы звязаць сваё прафесійнае жыццё з тэлебачаннем, паступіла на факультэт журналістыкі БДУ. А пасля паспяховай стажыроўкі на «Беларусь 2» стала часткай творчай каманды «пінкодаўцаў». Дарэчы, сярод карэспандэнтаў шоу таксама папаўненне з ліку студэнтаў журфака — юныя журналісты абяцаюць здзівіць аўдыторыю яркімі матэрыяламі. Таму цяпер можна назіраць за новымі «кадрамі» ў праекце «Пін_код» з аўторка да пятніцы ў 15.45.

Што датычыцца прэм'ер, стартавалі новыя сезоны інтэлектуальна-забаўляльнага праекта «Вежа», псіхалагічнага рэаліці-шоу «Трэці лішні». Так, у другім сезоне нядзельнай шоў-віктарыны «Вежа» нас чакае спаборніцтва 168 эрудытаў, якія ў складзе 56 камандаў (па тры чалавекі ў кожнай) за галоўны прыз праграмы — камандную вандроўку да адной з вядомых вежаў Еўропы, а колькасць прызавых паездак абмяжоўвалася толькі колькасцю пераможцаў супергульні.

Варта адзначыць, што правілы засталіся нязменныя: у ролі вядучага Васіль Чэхаў, а на адказ на пытанне ўсяго некалькі секундаў роздуму, пазітыўны настрой усім гарантаваны незалежна ад вынікаў. І ў адрозненне ад медыйнага складу гульцоў у першым сезоне, цяпер маглі ўдзельнічаць усе ахвотныя. Але, на думку стваральнікаў праекта, ад гэтага «Вежа» толькі выйграла, бо былі і эмоцыі, і напал жарсцяў, і сам настрой на здымачнай пляцоўцы быў шчыры і натуральны. Як жадаеце ў гэтым пераканацца, то не прапусціце чарговы выпуск 11 кастрычніка ў 17.10.

А вось, калі хочацца паназіраць за тым, як знаходзіць выйсце з сямейных канфліктаў, то ў рэаліці-шоу «Трэці лішні» група прафесіяналаў на чале з псіхолагам Міхаілам Іваноўскім дапаможа з пошукам рашэння ўсяго за тры дні. Удзельнікі праекта — звычайныя людзі, якія сутыкаюцца з праблемай «трэцяга лішняга» ў сваім жыцці. Новы сезон шоу будзе выходзіць на «Беларусь 2» па аўторках у 21.15.

Алена ДРАПКО

Выбар рэдакцыі

Грамадства

«Лепшы цюнінг для машын — правільны пратэктар шын»

«Лепшы цюнінг для машын — правільны пратэктар шын»

Менавіта пад такім слоганам будзе праводзіцца Рэспубліканская прафілактычная акцыя, якая ініцыяваная на нашых дарогах Дзяржаўтаінспекцыяй краіны. 

Грамадства

Зімовы асартымент. Колькі каштуюць «вітаміны» на «Лебядзіным»

Зімовы асартымент. Колькі каштуюць «вітаміны» на «Лебядзіным»

З якімі прыкметамі вы звязваеце набліжэнне зімы? 

Грамадства

Якiя нашы звычкi шкодзяць здароўю i знiшчаюць iмунiтэт?

Якiя нашы звычкi шкодзяць здароўю i знiшчаюць iмунiтэт?

Мы ў жыццi шмат чаго робiм, што пагаршае наша здароўе — або адразу, або ў аддаленай перспектыве.