28 кастрычніка, серада

Вы тут

Аляксандр Лукашэнка павіншаваў жанчын з Днём маці


Дарагiя суайчыннiцы!

Ад усёй душы вiншую вас з Днём мацi.

Самая святая мiсiя на Зямлi — мацярынства. Гэта вялiкае шчасце — дарыць жыццё i бачыць сваё прадаўжэнне ў наступных пакаленнях. Гэта сапраўдны подзвiг, якi жанчына здзяйсняе з велiзарнай любоўю, цярплiвасцю i пяшчотай, прысвячаючы ўсё сваё жыццё дзецям.

Высокая i адказная роля мацi ў захаваннi спрадвечных традыцый. З сем'яў, у якiх бацькi вучаць
сваiм прыкладам шанаваць старэйшыя пакаленнi, ганарыцца гiсторыяй i дасягненнямi краiны, паважаць нацыянальную культуру i любiць родную зямлю, фармiруецца духоўна моцны незалежны народ.

Асаблiвыя словы ўдзячнасцi ў гэты дзень — шматдзетным мацi. Дзякуючы вам прадаўжаецца наша гiсторыя, i мы з упэўненасцю глядзiм у будучыню Беларусi. Дзяржава заўсёды будзе аказваць падтрымку вашым сем'ям, ствараць найлепшыя ўмовы для жанчын, якiя гадуюць дзяцей i актыўна рэалiзуюць сябе ў сацыяльнай i прафесiйнай сферах.

Нашы дарагiя мамы! Прымiце нiзкi паклон за вашы працу, клопат i бясконцую мацярынскую любоў.

Жадаю вам i вашым блiзкiм здароўя, шчасця i дабрабыту.

Прэзiдэнт Рэспублiкi Беларусь

Аляксандр Лукашэнка

Прэв’ю: nastol.com.ua

Выбар рэдакцыі

Грамадства

Дарогі Беларусі ацэняць у зорках. ​Сістэма дапамогі кіроўцу, «штучны зрок» і нулявыя выкіды СО2

Дарогі Беларусі ацэняць у зорках. ​Сістэма дапамогі кіроўцу, «штучны зрок» і нулявыя выкіды СО2

Незалежны інстытут аўдытараў дарожнай бяспекі будзе створаны ў Беларусі.

Культура

Прывіды беларускіх муроў. Балі ў разбураным замку

Прывіды беларускіх муроў. Балі ў разбураным замку

Бона Сфорца не была ў Белым Ковелі, але танцуе там у выглядзе прывіду.