Вы тут

Кулiнарны адпачынак для мам-выхавальнiц дзiцячых дамоў сямейнага тыпу


Майстар-клас ад шэф-повара па прыгатаваннi лазаннi i тасканскага лiмоннага пiрага, кансультацыi натарыуса i юрыста, заняткi па арт-тэрапii з псiхолагам. Такая перадсвяточная праграма чакала ў кулiнарнай студыi «Ле Гурмэ» ў Мiнску 20 шматдзетных матуль з розных абласцей Беларусi. Магчымасць арыгiнальна правесцi час, пачаставацца стравамi, прыгатаванымi ўласнымi рукамi, i пабачыцца з сяброўкамi падарыў жанчынам Беларускi дзiцячы фонд (БДФ).


Сувязь БДФ i дзiцячых дамоў сямейнага тыпу пачалася яшчэ ў 1989—1990 гадах, калi сталi з'яўляцца першыя такiя дамы. З 2000-га, дзякуючы замежным партнёрам i мясцовым уладам, у Беларусi стварылi 43 дзiцячыя дамы сямейнага тыпу, дзе выхоўвалася больш за 1200 дзетак. Фактычна, расфармiравалi 12 школ-iнтэрнатаў. З тых часоў фонд суправаджае жыхароў гэтых дамоў, расказала Iрына ЧАРНЯКОВА, намеснiк дырэктара Беларускага дзiцячага фонду:

— У дамах змянiлася ўжо шмат дзетак. Тыя, хто вырас, запрашаюць нас на вяселлi, хрэсьбiны, i гэта дарагога варта. А напярэдаднi такога вялiкага свята, як Пакровы, мы вырашылi разгрузiць мам-выхавальнiц дзiцячых дамоў сямейнага тыпу ад хатнiх клопатаў i турбот i запрасiць на такi майстар-клас, каб падзякаваць за iх працу, якую яны робяць ад сэрца i душы. Таму што нашы сённяшнiя госцi — гэта людзi, якiя акрамя ўласных дзетак, узялi на выхаванне пяцярых i больш сiрот, i дзеляць сваё сэрца памiж бiялагiчнымi i прыёмнымi малымi.

Арганiзатары задумвалi мерапрыемства такiм чынам, каб мамы вынырнулi са звыклай абстаноўкi, на некалькi гадзiн забылiся на клопаты, сышлi з дому i сталi актыўнымi ўдзельнiцамi свята, а не простымi гледачамi.

— Мамы нашы вельмi розныя, у кожнай свая гiсторыя, але ўсе яны вельмi шчырыя, бо па-iншаму ў гэтай рабоце немагчыма. Мы вельмi ганарымся iмi, таму захацелася iм зрабiць такую прыемнасць, — дадала Юлiя КАПЦЭВIЧ, каардынатар праектаў Беларускага дзiцячага фонду.

А яшчэ БДФ даў матулям магчымасць атрымаць не толькi задавальненне, але i карысць, таму запрасiлi да iх натарыуса i юрыста, якiя адказалi на хвалюючыя пытаннi. А ўжо пасля частавання стравамi (я, дарэчы, таксама пакаштавала — зроблена на выдатна) мамы хоць i паглыбiлiся ва ўрок арт-тэрапii, пра свае ўражаннi расказалi з задавальненнем.

— Мы сёння расслабiлiся, адпачылi, адчулi, што ў нас сапраўды свята, пабачылiся з тымi, з кiм доўгiя часы ўжо знаёмыя, — падзякавала фонду за мерапрыемства Наталля МАКСIМЧЫК з Капыля, якая працуе мамай-выхавальнiцай ужо 14 гадоў.

Юлii КУНДЗIКАВАЙ з Клiчава, алiгафрэнапедагогу i дэфектолагу па адукацыi, 25 гадоў. Яна мама шасцярых дзетак, пяць з якiх прыёмныя.

— Я сама з прыёмнай сям'i, а мой муж — родны сын маёй прыёмнай мамы. Мне заўжды хацелася дапамагаць дзецям, таму i спецыялiзацыю такую выбрала падчас вучобы. Нiколi не ставiла мэтай мець столькi дзяцей, проста муж аднойчы пазванiў i сказаў, што ў нас будуць малыя. Ён заўжды падтрымлiвае, калi ў мяне ёсць магчымасць развеяцца, толькi папрасiў, каб ехала на таксi, — смяецца яна.

На iдэю паўтарыць падобны майстар-клас дома з дзецьмi натхнiлася Нiна ЯРМАКОВIЧ з пасёлка Траскоўшчына ў Мiнскiм раёне, якая кажа, што ў фондзе заўжды робяць цудоўныя праекты:

— Столькi эмоцый i ўражанняў сёння, што цяжка выказаць словамi. Вельмi эмацыянальна i хвалююча, асаблiва ў сённяшнi такi час. У мяне 16 дзетак прыёмных усяго, цяпер сямёра. Я пяты год знаёмая з фондам, i ўпэўнена, што ў iм працуюць людзi, якiя робяць дабро i нас зараджаюць гэтым.

Дому сямейнага тыпу Тамары ГАЦУКОВIЧ з Дзяржынска 13 гадоў, за гэты час праз сям'ю прайшло 19 дзяцей. Яна прыехала на свята з дачкой Лерай, якая была ўжо паўналетняя, калi ў мамы з'явiлiся прыёмныя дзецi.

— Я не змагла б паўтарыць подзвiг мамы. Магчыма, адно дзiця прыняць, максiмум двух. Я не адчуваю ў сабе такога патэнцыялу.

— Нiколi не кажы нiколi, — смяецца яе мама. — Я таксама не думала. Падобных мерапрыемстваў у мяне нiколi не было. Такая атмасфера тут класная, я столькi знаёмых убачыла, мы так пагаварылi добра...

Вось такi лёгкi, смачны i шчыры падарунак зрабiлi мамы самi сабе з дапамогай БДФ. «Звязда» далучаецца да цёплых слоў i пажаданняў самым родным i галоўным жанчынам у жыццi кожнага чалавека — мацi.

Iрына СIДАРОК, фота аўтара

Загаловак у газеце: Кулiнарны адпачынак з iтальянскiм смакам

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.