29 кастрычніка, чацвер

Вы тут

У нядзелю ўжо ад мiнус 3 да 9 градусаў цяпла


Такi сутачны тэмпературны фон на 1—3 градусы нiжэйшы за клiматычную норму гэтых дзён кастрычнiка

Вось i ўсё. Мiнулая серада стала заключным анамальна цёплым днём восенi. А далей у выхадныя ў нашай краiне будзе гаспадарыць больш жорсткае, халоднае надвор'е, калi ўначы магчымы нават мокры снег, паведамляюць спецыялiсты Рэспублiканскага цэнтра па гiдраметэаралогii, кантролi радыеактыўнага забруджвання i манiторынгу навакольнага асяроддзя Мiнпрыроды.


astrakhanfm.ru

Ужо сёння максiмальная тэмпература паветра будзе ўсяго ад 5 да 12 цяпла. Далей — толькi халадней. У суботу наша тэрыторыя будзе знаходзiцца ў халоднай няўстойлiвай паветранай масе, калi ўдзень па паўднёвым усходзе краiны адаб'ецца ўплыў атмасфернага фронту. Чакаецца, што будзе воблачна з праясненнямi. Месцамi па Беларусi, а ўдзень на большай частцы Гомельскай, Магiлёўскай i Брэсцкай абласцей пройдуць кароткачасовыя ападкi, у асноўным дождж, але па поўначы ў некаторых раёнах не выключаны першы ў гэтым сезоне мокры снег. Вецер прагназуецца паўночны, паўночна-ўсходнi ўмераны, удзень па паўднёвым усходзе парывiсты. Першыя восеньскiя замаразкi прыйдуць да нас уначы ў суботу, калi тэмпература паветра будзе ад нуля да плюс 7 градусаў, пры працяглых праясненнях — 1—2 марозу. Удзень у суботу прагназуюць ад плюс 3 градусаў да 10 цяпла.

На наступны дзень захаваецца ўплыў халоднай няўстойлiвай паветранай масы арктычнага паходжання. У нядзелю аблокаў будзе аж зашмат. Уначы месцамi, а ўдзень на большай частцы тэрыторыi чакаюцца кароткачасовыя ападкi ў выглядзе дажджу з мокрым снегам. Вецер будзе паўночны з пераходам на заходнi парывiсты, удзень па паўночным захадзе месцамi моцны парывiсты. Тэмпература паветра ўначы складзе ад мiнус 3 градусаў да 4 цяпла, удзень чакаецца ад плюс 2 да плюс 9 градусаў.

Паводле папярэднiх разлiкаў айчынных сiноптыкаў, у пачатку наступнага тыдня захаваецца ўплыў халодных паветраных мас. I ў панядзелак месцамi па краiне пройдуць кароткачасовыя ападкi ў выглядзе мокрага снегу i дажджу. Увага! Уначы i ранiцай у панядзелак месцамi магчымы слабы галалёд. Вецер будзе заходнi ўмераны. Тэмпература паветра ўначы складзе ад нуля да плюс 5 градусаў, пры праясненнях — 1—3 марозу. Удзень чакаецца 3—10 цяпла. Такi тэмпературны фон на 1—3 градусы нiжэйшы за клiматычную норму, але... Нашы сiноптыкi так нясмела абяцаюць, што ў сярэдзiне наступнага тыдня халоднае паветра пакiне тэрыторыю краiны, стане холадна, але не марозна. Усё таму, што тэмпература вернецца ў сваю клiматычную кастрычнiцкую норму.

У панядзелак з ранiцы магчымы слабы галалёд.

Сяргей КУРКАЧ

Выбар рэдакцыі

Палітыка

Лукашэнка прызначыў новых памочнікаў Прэзідэнта Беларусі па Брэсцкай, Гродзенскай абласцях і Мінску

Лукашэнка прызначыў новых памочнікаў Прэзідэнта Беларусі па Брэсцкай, Гродзенскай абласцях і Мінску

Валерый Вакульчык, які з верасня гэтага года працаваў на пасадзе дзяржаўнага сакратара Савета бяспекі Беларусі, а да гэтага быў старшынёй Камітэта дзяржаўнай бяспекі, сёння прызначаны памочнікам Прэзідэнта Беларусі — інспектарам па Брэсцкай вобласці. 

Культура

Ірына Відава: Такіх мужчын, як Алег Молчан, адзін на мільён

Ірына Відава: Такіх мужчын, як Алег Молчан, адзін на мільён

Чвэрць стагоддзя разам, і ніколі не было сумна ці нецікава адно з адным.

Культура

Успамінаем Янку Нёманскага, які быў расстраляны 30 кастрычніка ў 1937 годзе

Успамінаем Янку Нёманскага, які быў расстраляны 30 кастрычніка ў 1937 годзе

Як знік працяг рамана Янкі Нёманскага «Драпежнікі», прысвечанага лёсу рабочых шклозавода

Грамадства

Карэспандэнты «Звязды» даведалiся, як працуюць ратавальнiкi-кiнолагi

Карэспандэнты «Звязды» даведалiся, як працуюць ратавальнiкi-кiнолагi

У Беларусi прайшлi спартыўныя спаборнiцтвы па службовым шматбор'i кiнолагаў.