Калектывы з усёй вобласці паспаборнічаюць ў Рэчыцы 31 кастрычніка. Абласны конкурс харавога мастацтва прысвечаны памяці заслужанага дзеяча мастацтваў БССР, ураджэнкі вёскі Азяршчына Рэчыцкага раёна, збіральніцы народнай песеннай творчасці Т.К. Лапацінай.
— Традыцыі харавой творчасці, закладзеныя Таццянай Лапацінай, да гэтага часу жывуць і паспяхова развіваюцца на Гомельшчыне. У памяць аб гэтым неардынарным чалавеку і ладзіцца абласны конкурс харавога мастацтва, — паведамляецца на сайце Гомельскага абласнога цэнтра народнай творчасці.
Арганізатары падкрэсліваюць, што правядзенне спаборніцтва накіравана на развіццё і папулярызацыю харавога мастацтва, павышэнне выканальніцкага майстэрства. Таксама выступленне на конкурсе станоўча паўплывае на папаўненні рэпертуару калектываў лепшымі творамі беларускага песеннага мастацтва.
Вядома, што за перамогу паспрачаецца 21 хор. Галоўнае патрабаванне - званне народнага аматарскага калектыву. Артысты прадставяць 10 раёнаў Гомельскай вобласці і сам абласны цэнтр. Журы конкурсу ўзначаліць мастацкі кіраўнік нацыянальнага акадэмічнага народнага хору імя Г.І.Цітовіча, народны артыст Беларусі Міхаіл Дрынеўскі.
Наталля КАПРЫЛЕНКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
